Don't Miss!
- News இந்தியக் குடியுரிமையைப் போராடிப் பெற்ற பெண்! நிஜத்தில் ஒரு ‘சர்க்கார்’ நாயகி!
- Technology மிரளுது டிஸ்கவுண்ட்.. முழுசா ரூ.12000 கட்.. அடிமட்ட ரேட்டில் ஃபிளிப் போன்.. 3D கர்வ்ட் டிசைன்.. எந்த மாடல்?
- Automobiles வெறும் 136 பேர் தான் இந்த காரை வாங்கியிருக்காங்க! நல்ல காரா இருந்தாலும் மக்கள் வெறுக்க காரணம் இது தான்!
- Finance எலான் மஸ்க் முடிவால்.. முக்கிய நிகழ்ச்சி ரத்து.. ஸ்டார்ட்அப் நிறுவனங்கள் சோகம்..!!
- Sports IPL 2024 : ஐபிஎல் வரலாற்றிலேயே எந்த விக்கெட் கீப்பரும் செய்யாத பிரம்மாண்ட சாதனையை செய்த தோனி
- Lifestyle இந்த 4 ராசிக்காரர்களில் ஒருவர் உங்க நண்பராக இருந்தா நீங்க வாழக்கையில் எதுக்குமே கவலைப்பட வேணாமாம்...!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
அதிர்ச்சி.. பிரபல நடிகர்.. நிகழ்ச்சி தொகுப்பார்.. இயக்குநர் ராஜுமுருகனின் சகோதரர் கொரோனாவுக்கு பலி!
சென்னை: பிரபல இயக்குநர் ராஜுமுருகனின் சகோதரரான நடிகர் குரு ராஜேந்திரன் கொரோனா தொற்றால் மரணமடைந்தார். அவருக்கு வயது 44.
நாடு முழுவதும் கொரோனா இரண்டாவது அலை உச்சத்தில் உள்ளது. தமிழகத்தில் பாதிக்கப்படுவோரின் எண்ணிக்கை கடந்த 2 நாட்களாக சற்று குறைந்துள்ளது.
ஆனால் உயிரிழப்புகள் குறைந்தப்பாடில்லை. முன் எப்போதும் இல்லாத அளவுக்கு நேற்று ஒரே நாளில் மட்டும் 468 பேர் கொரோனா தொற்றுக்கு பலியாகியுள்ளனர்.
கொரோனாவால் மரணம்
கொரோனா தொற்றுக்கு சினிமா பிரபலங்களும் தப்பவில்லை. கடந்த 2 மாதங்களாக தமிழ் சினிமாவில் 10க்கும் மேற்பட்ட பிரபலங்கள் கொரோனா தொற்றால் மரணமடைந்துள்ளனர்.
ராஜுமுருகனின் சகோதரர்
இந்நிலையில் பிரபல இயக்குநரான ராஜு முருகனின் சகோதரரும் நடிகருமான குரு ராஜேந்திரன் கொரோனா தொற்றால் மரணமடைந்துள்ளார். குக்கூ படத்தின் மூலம் தமிழ் சினிமாவுக்கு அறிமுகமானவர் இயக்குநர் ராஜு முருகன்.
வசனகர்த்தா
தொடர்ந்து ஜோக்கர் மற்றும் ஜிப்ஸி ஆகிய படங்களை இயக்கியுள்ளார். மேலும் தோழா, மெஹந்தி சர்க்கஸ், வர்மா ஆகிய படங்களுக்கு வசனமும் எழுதியுள்ளார் ராஜு முருகன். இவரது சகோதரர் குரு ராஜேந்திரன்.
தொண்டு செய்பவர்கள்
இவர் பிரபல தொலைக்காட்சிகளில் தொகுப்பாளராக பணியாற்றியுள்ளார். தமிழகம் முழுவதும் பயணித்து தொண்டு செய்யும் மக்களை வெளிக் கொண்டு வந்தவர் இந்த குரு ராஜேந்திரன்.
படங்களில் நடித்துள்ளார்
புதிய தலைமுறை தொலைக்காட்சியில் பணியாற்றிய குரு ராஜேந்திரன் கடைசியாக நியூஸ் 18 தொலைக்காட்சியில் தொகுப்பாளராக பணியாற்றி வந்தார். இவர் கற்றது தமிழ், மற்றும் ஜோக்கர் ஆகிய படங்களிலும் நடித்துள்ளார்.
நேற்றிரவு மரணம்
இந்நிலையில் கடந்த 15 நாட்களுக்கு முன்பு கொரோனாவால் பாதிக்கப்பட்ட குரு ராஜேந்திரன் சென்னையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். ஐசியூவில் சிகிச்சை பெற்று வந்த குரு ராஜேந்திரன் நேற்றிரவு சிகிச்சை பலனின்றி உயிரிழந்தார்.
பலரும் இரங்கல்
அவரது மறைவு ஊடகத்தினர் மத்தியிலும் சினிமா நட்சத்திரங்கள் மத்தியிலும் பெரும் சோகத்தை ஏற்படுத்தியுள்ளது. அவரது மறைவுக்கு பலரும் சமூக வலைதளங்களில் இரங்கல் தெரிவித்து வருகின்றனர்.