சுந்தர் சியின் காபி வித் காதல் ட்ரெயிலர் லான்ச்.. வீல் சேரில் வந்த டிடி.. ரசிகர்கள் கவலை!

காபி வித் காதல் படம்

நடிகர்கள் ஜெய், ஜீவா, ஸ்ரீகாந்த், ரைசா வில்சன், அம்ரிதா ஐயர், மாளவிகா ஷர்மா, ஐஸ்வர்யா தத்தா, சம்யுக்தா, யோகிபாபு, திவ்யதர்ஷினி உள்ளிட்ட நட்சத்தர பட்டாளங்களே நடித்துள்ள படம் காபி வித் காதல். படத்தை சுந்தர் சி இயக்கியுள்ள நிலையில், படத்திற்கு இசையமைத்துள்ளார் யுவன் சங்கர் ராஜா.

காமெடி களம்

இந்தப் படத்தை தனக்கே உரிய காமெடி களத்தில் இயக்கியுள்ளார் சுந்தர் சி. அதற்கேற்ப நட்சத்திர பட்டாளமே இந்தப் படத்தில் இணைந்துள்ளது. படத்தில் பிரபல ஆங்கரும் நடிகையுமான டிடி எனப்படும் திவ்யதர்ஷனியும் முக்கியமான கேரக்டரில் நடித்துள்ளார். இந்தப் படத்தின் சூட்டிங் ஊட்டி உள்ளிட்ட இடங்களில் நடந்து முடிந்துள்ளது.

சிறப்பான ரீ-மிக்ஸ் பாடல்

யுவன் சங்கர் ராஜா இசையில் சில பாடல்கள் வெளியாகி ரசிகர்களை கவர்ந்த நிலையில், ரம் பம் பம் பாடலை ரீ-மிக்ஸ் செய்து வெளியிட்டனர். அந்தப் பாடலும் சிறப்பான கவனத்தை பெற்றது. இந்நிலையில், இன்றைய தினம் படத்தின் ட்ரெயிலர் வெளியீடு சென்னையில் நடைபெற்றது.

ட்ரெயிலர் வெளியீட்டு விழா

இதில் படக்குழுவினர் ஜெய், ஜீவா, குஷ்பூ, ரைசா வில்சன் உள்ளிட்ட அனைவரும் பங்கேற்றனர். நிகழ்ச்சியில் பங்கேற்ற பெண்கள் அனைவரும் சிவப்பு நிற உடையிலும் ஆண்கள் அனைவரும் கருப்பு நிற உடையிலும் கலந்துக் கொண்டனர். இந்தப் படத்தின் தமிழக உரிமையை உதயநிதியின் ரெட் ஜெயண்ட் மூவிஸ் கைப்பற்றியுள்ளது குறிப்பிடத்தக்கது.

வீல் சேரில் வந்த டிடி

இதனிடையே இந்த நிகழ்ச்சியில் நடிகை மற்றும் பிரபல தொகுப்பாளர் டிடியும் கலந்துக் கொண்டார். அவரது காலில் பிரச்சினை உள்ளதால் அவர் வீல் சேரில் இந்த நிகழ்ச்சியில் பங்கேற்றார். வீல் சேரில் இருந்த அவரை பின்புறம் இருந்து ஒருவர் தள்ளிக் கொண்டு வந்தார். இதையடுத்து டிடிக்கு என்ன ஆச்சு என்று ரசிகர்கள் கவலை தெரிவித்தனர்.