Don't Miss!
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Lifestyle 18 ஆண்டுகளுக்கு பின் உருவான அங்காரக யோகம்: ஜூன் வரை இந்த 3 ராசிக்காரங்க கவனமா இருக்கணும்...
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Automobiles பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
ஹீரோயின் ஆனார் ’குட்டி நயன்தாரா..’ ரீமேக் ஆகும் மலையாள கப்பேலாவில் இவர்தான் நாயகி!
சென்னை: குட்டி நயன்தாரா என்று அழைக்கப்படும் பேபி அனிகா சுரேந்திரன், இப்போது ஹீரோயின் ஆகிறார்.
மலையாள சினிமாவில் இருந்து குழந்தை நட்சத்திரமாக, தமிழ் சினிமாவிற்கு அறிமுகமானவர் அனிகா.
தமிழில் அஜித்தின் என்னை அறிந்தால் படத்தின் மூலம் அறிமுகமான இவர், அஜித் மகளாக நடித்திருந்தார்.
அஜித்தின் மகளாக
இந்தப் படத்தில் அவர் நடிப்பு கவனிக்கப்பட்டது. இதையடுத்து நானும் ரவுடிதான், மிருதன், அஜித்தின் விஸ்வாசம் உட்பல பல படங்களில் நடித்துள்ளார். குயின் வெப் சீரிஸிலும் முக்கிய ரோலில் நடித்துள்ளார். விஸ்வாசம் படத்தில் தல அஜித் மகளாக நடித்திருந்தது, அனைவரின் பாரட்டையும் பெற்றிருந்தார்.
குட்டி நயன்தாரா
அந்தப் படத்தில் குழந்தையாக இருந்த அனிகா, தற்போது மளமளவென வளர்ந்துவிட்டார். முன்னணி நடிகைகளுக்கு போட்டியாக மாறியிருக்கும் அனிகாவை, குட்டி நயன்தாரா என்கிறது கோடம்பாக்கம். நயனின் சாயலும் அவரிடம் அப்படியே இருப்பதால், இந்த பெயர் அவருக்கு பொருத்தம்தான் என்கிறார்கள்.
வாய்ப்புகள் வரும்
சோசியல் மீடியாவில் அடிக்கடி போட்டோஷூட் ஸ்டில்களை பதிவிட்டு வந்த அனிகாவுக்கு வாய்ப்புகள் தேடி வரும் என்று கணித்தார்கள். அதற்காகவே அவரும் விதவிதமான புகைப்படங்களை பதிவிட்டு வந்தார். அனிகா, ஹீரோயினாக நடிக்க ரெடியாகி கொண்டிருந்தார். இப்போது ஹீரோயினாக மாறிவிட்டார்.
முகமது முஸ்தபா
தெலுங்கு படம் ஒன்றில் அவர் ஹீரோயினாக ஒப்பந்தமாகி இருக்கிறார். மலையாளத்தில் வெளியாகி கவனிக்கப்பட்ட படம், கப்பேலா. அன்னாபென், ஸ்ரீநாத் பாசி, ரோஷன் மாத்யூ உட்பட பலர் நடித்த இந்தப் படத்தை முகமது முஸ்தபா இயக்கி இருந்தார். கடந்த மார்ச் மாதம் வெளியான இந்தப் படம் ரசிகர்களால் பாராட்டப்பட்டது.
ஜெஸ்ஸி வேடத்தில்
இப்போது, இந்தப் படம் தெலுங்கில் ரீமேக் ஆகிறது. மலையாளத்தில் இயக்கிய முகமது முஸ்தபா தெலுங்கிலும் இயக்குகிறார். சிதாரா என்டர்டெயின்மென்ட்ஸ் சார்பில் நாக வம்சி தயாரிக்கிறார். ஸ்ரீநாத் பாசி வேடத்தில் விஷ்வக் சென் நடிக்கிறார். இந்தப் படத்தில் ஜெஸ்ஸி வேடத்தில் நடித்து பாராட்டுகளைப் பெற்றார் அன்னா பென். அவர் கேரக்டரில் அனிகா சுரேந்திரன் நடிப்பது உறுதியாகி இருக்கிறது.