முகப்பு

செய்திகள்

உதயநிதி நடிக்கவிருக்கும் புதிய படத்தின் இசையமைப்பாளராக டி இமான் ஒப்பந்தம் செய்யப்பட்டுள்ளார். அவருக்கு முன் ஒப்பந்தம் செய்யப்பட்ட அனிருத் நீக்கப்பட்டார்.

மான் கராத்தே படத்தை இயக்கிய திருக்குமரன் இயக்கும் இந்தப் படத்துக்கு முதலில் கெத்து என்று தலைப்பிட்டிருந்தனர். ஆனால் அந்தத் தலைப்பை ஏற்கெனவே ஒளிப்பதிவாளர் கேபிநாத் தான் இயக்கும் புதிய படத்துக்கு வைத்துவிட்டதால் வேறு தலைப்பு தேடுகின்றனர்.

இந்த நிலையில் படத்தின் இசையமைப்பாளராக முதலில் ஒப்பந்தம் செய்யப்பட்ட அனிருத்தை நீக்கிவிட்டு, டி இமானை ஒப்பந்தம் செய்துள்ளனர்.

இந்தப் படத்தில் உதயநிதி ஸ்டாலின் ஜோடியாக எமி ஜாக்ஸன் நடிக்கிறார்.

இந்தப் படத்தோடு அகமது இயக்கும் இதயம் முரளி என்ற படத்திலும் நடிக்கிறார் உதயநிதி. இதில் அவருக்கு ஜோடி ஹன்சிகா.