ஒய் திஸ் கொலவெறி மூலம் ஓவர் நைட்டில் பிரபலம் ஆக்கிட்டீங்க.. 10 வருட ரீலை போட்டு அசத்திய அனிருத்!

10 ஆண்டுகளை கடந்த அனிருத்

இசையமைப்பாளராக திரைத்துறைக்கு வந்து 10 ஆண்டுகள் ஆகிவிட்டன என ராக்ஸ்டார் அனிருத் சூப்பரான வீடியோவை பதிவிட்டு தனது ரசிகர்களுக்கு நன்றி தெரிவித்துள்ளார். அந்த ரீலில் இந்த 10 ஆண்டுகளில் அவர் இசையமைத்த பல சூப்பர் ஹிட் படங்கள் இடம்பெற்றுள்ளன.

30 வயசுக்குள்ள

ஒரு 30 வயசுக்குள்ள பெரிய இசையமைப்பாளர் ஆக வேண்டும் என்கிற கனவோடு தான் இந்த துறைக்கு வந்தேன். ஆனால், என்னுடைய முதல் பாடலான ஒய் திஸ் கொலவெறி பாடல் மூலம் 10 ஆண்டுகளுக்கு முன்பாகவே என்னை பிரபலமாக மாற்றிவிட்டீர்கள் உங்க அன்புக்கு நன்றி எனக் கூறியுள்ளார்.

எல்லாமே வேற லெவல்

தனுஷின் 3 திரைப்படம் மூலம் திரைத்துறையில் அறிமுகமான அனிருத் சிவகார்த்திகேயனின் எதிர்நீச்சல், காக்கி சட்டை, ரெமோ தனுஷின் வேலையில்லா பட்டதாரி, மாரி, விஜய்யின் கத்தி, மாஸ்டர், பீஸ்ட் அஜித்தின் வேதாளம், விவேகம், சூர்யாவின் தானா சேர்ந்த கூட்டம், ரஜினிகாந்தின் பேட்ட, தர்பார், கமல்ஹாசனின் விக்ரம், இந்தியன் 2 விஜய்சேதுபதியின் நானும் ரவுடி தான், காத்துவாக்குல ரெண்டு காதல் என எல்லாமே வேற லெவல் படங்களில் வொர்க் செய்து அசத்தி உள்ளார்.

ரசிகர்களுக்கு நன்றி

கடந்த 10 ஆண்டுகளாக தனக்கு இந்த அளவுக்கு ஆதரவு அளித்த திரைத்துறைக்கும் ரசிகர்களுக்கும் நன்றி கூறிய ராக்ஸ்டார் அனிருத் அடுத்த 10 வருடத்தை ஆரம்பிக்க உங்களின் ஆதரவை கொடுக்க வேண்டும் என்றும் கோரிக்கை வைத்துள்ளார். அனிருத் 10 ஆண்டுகளை வெற்றிகரமாக கடந்த நிலையில், அவரது ரசிகர்கள் வாழ்த்தி வருகின்றனர்.