“லவ் ஆல்வேஸ்”.. ஒரே வார்த்தையில் திருமணம் பற்றிய வதந்திகளுக்கு முற்றுப்புள்ளி வைத்த விஷாலின் காதலி!

திருமணம் நிறுத்தம்

இதனால் விஷால் - அனிஷா திருமணம் நிறுத்தப்பட்டு விட்டதாக ஒரு செய்தி தீயாய் பரவியது. அதனை உறுதி செய்வது போல், அனிஷாவும் தங்களது திருமண நிச்சயதார்த்த புகைப்படங்களை தனது சமூகவலைதளப் பக்கத்தில் இருந்து நீக்கினார். எனவே, திருமணம் நின்றது உறுதியானதாக ஊடகங்களில் செய்தி வெளியானது.

பல்வேறு யூகங்கள்

திருமணம் நிறுத்தப்பட்டது தொடர்பாக பல்வேறு யூகங்கள் வெளியானது. ஆனால், அவை எதற்குமே விஷாலும் சரி, அனிஷாவும் சரி பதிலளிக்கவில்லை. அவர்களது மௌனமே அவர்களுக்குள் பிரச்சினை இருப்பதை மேலும் உறுதி செய்வதாக நெட்டிசன்கள் சமூகவலைதளங்களில் கருத்து பதிவு செய்து வந்தனர்.

விஷால் பிறந்தநாள்

இந்நிலையில், இந்த வதந்திகளுக்கு முற்றுப்புள்ளி வைக்கும் வகையில் அனிஷா தனது சமூகவலைதளப் பக்கத்தில் பதிவு ஒன்றை வெளியிட்டுள்ளார். நடிகர் விஷால் நேற்றுமுன்தினம் தனது 42-வது பிறந்தநாளை கொண்டாடினார். அவருக்கு வாழ்த்து தெரிவிக்கும் வகையில் அனுஷா இந்தப் பதிவை வெளியிட்டுள்ளார்.

பிறந்தநாள் வாழ்த்து

அதில், "இனிய பிறந்தநாள் ஸ்டார், நீங்கள் பிரகாசிக்க பிறந்தவர். உங்கள் அழகையும் உங்கள் இருப்பையும் என்றென்றும் நான் போற்றுவேன். மகத்துவம் உங்கள் வழியில் வருகிறது, நம்பிக்கையுடன் இருங்கள். லவ் ஆல்வேஸ்" என அனிஷா தெரிவித்திருந்தார்.

வதந்திக்கு முற்றுப்புள்ளி

விஷாலுக்கு அனிஷா தெரிவித்துள்ள பிறந்த நாள் வாழ்த்தின் மூலம் இவர்கள் இணக்கமாக இருப்பதை புரிந்துக் கொள்ள முடிகிறது. எனவே, திட்டமிட்டபடி அவர்களது திருமணம் வரும் அக்டோபர் மாதம் நடைபெறும் எனத் தெரிகிறது. இதனால் விஷாலின் ரசிகர்கள் மகிழ்ச்சி அடைந்துள்ளனர்.

விஷாலின் படங்கள்

இது ஒருபுறம் இருக்க, விஷால் தற்போது சுந்தர் சி-யின் ஆக்‌ஷன் எண்டெர்டெயின்மெண்ட் படமான ‘ஆக்‌ஷனில்' நடித்து வருகிறார். இதில் ஹீரோயினாக தமன்னா நடிக்கிறார். அதோடு, 'துப்பறிவாளன் 2, இரும்புத்திரை 2' ஆகிய படங்களும் விஷாலின் கைவசம் உள்ளன என்பது குறிப்பிடத்தக்கது.