பிக்பாஸை தொடர்ந்து விஜய் டிவியின் மற்றுமொரு நிகழ்ச்சியில் பங்கேற்ற அனிதா சம்பத்.. வெளியான தகவல்!

ஆரியிடம் சண்டை

இதில் தனித்துவமாக விளையாடிய போட்டியாளர்களில் அவரும் ஒருவர். டாஸ்க்குகள் என்று வந்தால் பட்டையை கிளப்பினார். இதனால் ஃபைனல்ஸ் வரை செல்வார் என எதிர்பார்க்கப்பட்ட நிலையில் ஆரியுடன் தேவையில்லாமல் சண்டை போட்டு ரசிகர்களின் கோபத்திற்கு ஆளானார்.

அப்பா மரணம்

இதன் எதிரொலியாக பிக்பாஸ் வீட்டிலிருந்து வெளியேற்றப்பட்டார் அனிதா சம்பத். அனிதா சம்பத் வெளியே வந்த அடுத்த ஓரிரு நாட்களிலேயே அவரது அப்பா மரணமடைந்தார்.

பிக்பாஸ் கொண்டாட்டம்

இதனால் அதுவரை அனிதாவை திட்டிவந்த நெட்டிசன்கள், அதன்பிறகு அவர் மீது அனுதாபத்தையும் இரக்கத்தை காட்டினர். இந்நிலையில் கடந்த சில நாட்களுக்கு முன்பு விஜய் டிவியில் பிக்பாஸ் கொண்டாட்டம் நிகழ்ச்சிக்கான படப்பிடிப்பு நடைபெற்றது.

பிக்பாஸ் கொண்டாட்டம்

அந்த போட்டோக்களை எல்லாம் தனது சமூக வலைதள பக்கத்தில் ஷேர் செய்தார் அனிதா. இந்நிலையில் அந்த நிகழ்ச்சி விஜய் டிவியில் நேற்று ஒளிபரப்பப்பானது. இதில் அனிதா சம்பத்தின் கணவரான பிரபாகரனும் பங்கேற்றார்.

பாத்ரூம் பாடல்கள்

இந்நிலையில் அந்த போட்டோவை தனது இன்ஸ்டா பக்கத்தில் ஷேர் செய்துள்ள அனிதா சம்பத், அனைவரின் வாழ்த்துக்களுக்கும் அன்புக்கும் நன்றி தெரிவித்துள்ளார். மேலும் தன்னுடைய பாத்ரூம் பாடல்களை தாங்கி கொண்டதற்கும் நன்றி கூறியுள்ளார் அனிதா.

அதிலேயும் பாடியிருக்கேன்

அதோடு இந்த லட்சணத்தில் அடுத்து ஸ்டார்ட் மியூஸ்க்கில் வேற பாடியிருக்கேன் என்றும் கூறியுள்ளார் அனிதா சம்பத். இதன் மூலம் அனிதா சம்பத், விஜய் டிவியில் பிரியங்கா தொகுத்து வழங்கும் ஸ்டார்ட் மியூஸிக் நிகழ்ச்சியில் பங்கேற்றுள்ளார் என தெரிய வந்துள்ளது. அவர் பங்கேற்ற ஸ்டார்ட் மியூஸிக் நிகழ்ச்சி விரைவில் ஒளிபரப்பாகும் என்றும் எதிர்பார்க்கப்படுகிறது.