சூர்யாவின் அஞ்சான் ட்ரைலர்... ஜூன் 12-ல் வெளியாகிறது!

நடிகர் சூர்யாவின் அஞ்சான் பட முன்னோட்டக் காட்சி வரும் 12-ம் தேதி வெளியாகிறது.

லிங்குசாமி இயக்கத்தில் சூர்யா - சமந்தா நடித்து வரும் படம் அஞ்சான். மனோஜ் பாஜ்பாய், வித்யூத் ஜம்வால், ராஜ்பல் யாதவ், திலீப் தஹில் என பாலிவுட் நடிகர்கள் நிறைய பேர் இதில் நடித்துள்ளனர். யுவன் சங்கர் ராஜா இசையமைக்கிறார்.

சூர்யா இரு வேடங்களில் நடிக்கும் இந்தப் படம், தமிழ், தெலுங்கு என இரு மொழிகளிலும் நேரடிப் படமாக உருவாகிறது.

வரும் ஆகஸ்ட் மாதம் 15-ந் தேதி சுதந்திர தினத்தன்று படத்தை வெளியிடப் போவதாக லிங்குசாமி அறிவித்துள்ளார்.

இதன் டிரெய்லரை வருகிற 12-ந் தேதி வெளியிட படக்குழுவினர் திட்டமிட்டுள்ளனர். அதைத் தொடர்ந்து ஜூன் இறுதியில் பாடல்களை வெளியிடவும் திட்டமிட்டுள்ளனர்.