Don't Miss!
- News நிர்மலா சீதாராமன் ஒரே போடு.. "மீண்டும் தேர்தல் பத்திர திட்டம் கொண்டு வருவோம்".. ஓடோடி வந்த காங்கிரஸ்
- Lifestyle குழந்தையின்மைக்கு இந்த பிரச்சனைகள் எல்லாம் காரணமாக இருக்கலாம்.. கவனியுங்கள்..!
- Sports தோனி பேட்டிங் ஆட வருவதை தாமதப்படுத்திய வீரருக்கு விருது கொடுத்த ஜான்டி ரோட்ஸ்.. என்ன நடந்தது?
- Finance TikTok: கங்கணம் கட்டுக்கொண்டு சுத்தும் அமெரிக்கா.. 70 லட்சம் நிறுவனங்களுக்கு ஆப்பு..!!
- Automobiles ஓலா டவுசரை கழட்ட திட்டம் போடும் பஜாஜ்! இவ்வளவு கம்மி விலைக்கு சேத்தக் இவி வரப்போகுதா?
- Technology கடையை இழுத்து மூடும் OnePlus.. இனி தமிழ்நாட்டில் ஒன்பிளஸ் போன் வாங்க முடியாதா? உண்மை என்ன?
- Education தமிழ்நாடு மெர்க்கன்டைல் வங்கியில் பணிபுரிய அற்புதமான வாய்ப்பு..!
- Travel தமிழ்நாட்டுக்குள்ள வெயில் கொளுத்துது – ஆனா இந்தியாவின் இந்த இடங்களில பனிச்சரிவு – என்ன வினோதம் இது?
அண்ணாத்த பேசுனா ஸ்டைலு.... அதிரடி சரவெடியாக வெளிவந்துள்ள சூப்பர்ஸ்டார் பாடல்
சென்னை : சூப்பர்ஸ்டார் ரஜினிகாந்தின் நடிப்பில் தீபாவளிக்கு ரிலீசாக உள்ள படம் அண்ணாத்த.
படத்தில் நயன்தாரா, குஷ்பூ, மீனா, கீர்த்தி சுரேஷ் உள்ளிட்டவர்கள் இடம் பெற்றுள்ளனர்.
பேய்க்கதை சொல்லும் ராஜு… அலறி கத்திய தாமரை செல்வி… பிக் பாஸ் ப்ரோமோ !
இந்தப் படத்தில் முதல் பாடல் இன்று மாலை வெளியிடப்பட்டுள்ளது. அதிரடி சரவெடியாக ரசிகர்களுக்கு கொண்டாட்டத்தை இந்தப் பாடல் கொடுத்துள்ளது.
சூப்பர்ஸ்டாரின் அண்ணாத்த
சூப்பர்ஸ்டார் படம் என்றாலே ரசிகர்களுக்கு தனியான குஷி வந்துவிடும். அதிலும் அவரது படங்கள் தீபாவளிக்கு ரிலீசாவது திருவிழாவாக அமையும். அந்தவகையில் ரசிகர்களின் அதிகமான எதிர்பார்ப்பிற்கு உள்ளாகியுள்ள படம் அண்ணாத்த. இந்தப் படம் நவம்பர் 4ம் தேதி உலகளவில் ரிலீசாக உள்ளது.
எஸ்பிபியின் பாடல்
இந்தப் படத்தின் பர்ஸ்ட் லுக், மோஷன் போஸ்டர் உள்ளிட்டவை வெளியிடப்பட்டு ரசிகர்களின் கொண்டாட்டத்திற்கு உள்ளாகியது. சிறுத்தை சிவா இயக்கத்தில் உருவாகியுள்ள இந்தப் படத்திற்கு இசையமைத்துள்ளார் இமான். மேலும் சமீபத்தில் மறைந்த எஸ்பிபியின் குரலில் இந்தப் படத்தில் ஒரு பாடல் இடம்பெற்றுள்ளது.
அதிகரிக்கும் எதிர்பார்ப்பு
படத்தில் நயன்தாரா, குஷ்பூ, மீனா, கீர்த்தி சுரேஷ் உள்ளிட்டவர்கள் நடித்துள்ள நிலையில், படத்திற்கான எதிர்பார்ப்பு மேலும் அதிகரித்துள்ளது. படத்தின் கதை குறித்து பல்வேறு யூகங்கள் இணையதளத்தில் உலவி வருகின்றன. சிறுத்தை சிவா முதல் முறையாக சூப்பர்ஸ்டாருடன் இணைந்துள்ள நிலையில் படத்திற்கான எதிர்பார்ப்பு அதிகரித்து காணப்படுகிறது.
முதல் பாடல் வெளியீடு
இந்நிலையில் சமீபத்தில் மறைந்த பின்னணி பாடகர் எஸ்பிபி குரலில் உருவாகியுள்ள படத்தின் டைட்டில் பாடலை படக்குழுவினர் இன்றைய தினம் வெளியிட்டுள்ளனர். இன்று மாலை 6 மணியளவில் அந்த பாடலை சன் பிக்சர்ஸ் தனது ட்விட்டர் பக்கத்தில் வெளியிட்டுள்ளது.
சூப்பர்ஸ்டார் -எஸ்பிபி கூட்டணி
எஸ்பிபி -சூப்பர்ஸ்டார் ரஜினிகாந்த் கூட்டணியில் அமையும் பாடல்கள் எப்போதும் பட்டையை கிளப்பும். இந்தப் பாடலும் அதிரடி சரவடியாக அமைந்துள்ளது. சூப்பர்ஸ்டார் ரசிகர்களுக்கு திருவிழா கொண்டாட்டத்தை இந்தப் பாடல் கொடுத்துள்ளது. வீடியோவின் முதலில் எஸ்பிபிக்கு வணக்கத்தை தெரிவிக்கவும் படக்குழு மறக்கவில்லை.
லிரிக் வீடியோ பாடல்
லிரிக் வீடியோவாக பாடல் வெளியிடப்பட்டுள்ள போதிலும் சிறப்பான ஸ்டில்களுடன் எதிர்பார்ப்பை எகிற செய்யும் வகையில் பாடல் அமைந்துள்ளது. பாடல் வரிகளை பாடலாசிரியர் விவேகா எழுதியுள்ளார். அண்ணாத்த பாடுனா ஸ்டைலு, பேசுனா ஸ்டைலு என்ற வரிகள் சிறப்பாக அமைந்துள்ளது.
கூண்டுல புலிக்கு வேலையில்லை
கூண்டுல புலிக்கு வேலையில்லை வெளியில் வா கடமைகள் காத்திருக்கு என்ற வரிகளும் சிறப்பாக உள்ளது. திருவிழா பின்னணியில் பாடல் அமைந்துள்ளது. மேலும் பாடல் முழுமையும் சூப்பர்ஸ்டார் வேட்டி சட்டையில் சிறப்பாக காணப்படுகிறார்.