#D43 படத்தில் இணைந்த இரண்டாம் நாயகி.. ரசிகர்கள் வரவேற்பு.

புதிதாக ஸ்ம்ருதி வெங்கட்

பேட்ட படத்தின் மூலம் தமிழில் அறிமுகமான மாளவிகா மோஹனன் மிகவும் எதிர்பார்ப்பில் உள்ள மாஸ்டர் படத்தில் நாயகியாக நடித்துள்ளார். அதன் பின்னர் #D43 படத்தில் நடிக்க ஒப்பந்தமாகி இருந்தார். மாளவிகாவை தொடர்ந்து தற்போது ஸ்ம்ருதி ஒப்பந்தமாகியுள்ளார்.

ஸ்ம்ருதி ட்வீட்

ஸ்ம்ருதி வெங்கட் தமிழில் தடம் படத்தில் ஒரு சிறிய கதாபாத்திரத்தில் நடித்திருப்பார். வேறு எதிலும் பெரிதாக வாய்ப்பு கிடைக்காத நிலையில் #D43 யில் நடிக்கும் வாய்ப்பு கிடைத்துள்ளது. இந்த படத்தில் நடிக்க வாய்ப்பளித்ததற்கு நன்றி கூறி ட்வீட் பதிவிட்டுள்ளார் ஸ்ம்ருதி.

ரசிகர்கள் குஷி

3 நாட்களுக்கு முன்னர் பாடலாசிரியர் விவேக் திரைக்கதை எழுதபோவதாக வெளிவந்த அறிவிப்பை தொடர்ந்து நேற்று #D43 படக்குழு இந்த அறிவிப்பை வெளியிட்டுள்ளது. இதுபோல தொடர்ந்து வரும் #D43 படத்தின் அப்டேட்கள் தனுஷ் ரசிகர்களை குஷிப்படுத்தி வருகிறது.

தலைப்பு வெளிவருமா?

தனுஷ், மாளவிகா மோஹனன், ஸ்ம்ருதி வெங்கட் என #D43 படத்தின் நடிகர்கள் தேர்வு ஏறத்தாழ முடிந்த நிலையில் உள்ளது. இந்த படத்தின் தலைப்பு & படப்பிடிப்பு குறித்த அறிவிப்புகள் பொங்கலை முன்னிட்டு வெளிவருமா என ரசிகர்கள் எதிர்பார்த்து காத்துள்ளனர்.