கல்யாணத்தால் ரிலீஸ் தள்ளிப்போகும் அனுஷ்கா படம்!

விராட் கோஹ்லி - அனுஷ்கா சர்மா

விராட் கோஹ்லி, தனது காதலியான பாலிவுட் நடிகை அனுஷ்கா ஷர்மாவை கடந்த டிசம்பர் மாதம் இத்தாலியில் திருமணம் செய்துகொண்டார். அதன்பின், தற்போது நடைபெறும் தென் ஆப்ரிக்கா உடனான தொடருக்கு அனுஷ்கா ஷர்மாவை உடன் அழைத்துச் சென்றிருக்கிறார்.

விடுமுறையைக் கொண்டாடும் அனுஷ்கா

தற்போது விடுமுறையைக் கொண்டாடி மகிழும் அனுஷ்கா, 'பரி' என்ற படத்திலும் நடித்து வருகிறார். புரோசிட் ராய் இயக்க, க்ளீன் ஸ்லேட் பிலிம்ஸ் மற்றும் கிரிராஜ் என்டர்டெயின்ட்மென்ட் நிறுவனங்கள் இணைந்து தயாரிக்கின்றனர்.

இறுதிக்கட்ட பணிகள் தாமதம்

இப்படத்தின் ஷூட்டிங் முடியும் நிலையில் உள்ளது. 'பரி' படம் பிப்ரவரி 9-ம் தேதி ரிலீஸாவதாக முன்பு அறிவிக்கப்பட்டிருந்தது. அனுஷ்காவின் திடீர் திருமணத்தால் படத்தின் இறுதிக்கட்ட பணிகள் முடிய தாமதமாகி உள்ளது. இதனால் ரிலீஸ் தேதியை தள்ளி வைத்துள்ளனர்.

ரிலீஸ் தாமதம்

அதன்படி, 'பரி' படம் மார்ச் 2-ம் தேதி ரிலீஸ் ஆக இருக்கிறது. கோஹ்லி உடனான திருமணத்திற்கு பின், அனுஷ்கா நடிப்பில் வெளியாகும் முதல் படம் இது என்பதால் ரசிகர்கள் மத்தியில் எதிர்பார்ப்பு அதிகரித்துள்ளது.

பேயாக அனுஷ்கா சர்மா

'பரி' படத்தின் டீசர் தற்போது வெளியாகி உள்ளது. 18 விநாடிகளே இருக்கும் இந்த டீசரில் அனுஷ்கா ஷர்மா பேய் போன்று காட்டப்பட்டுள்ளார். இந்த டீசருக்கு ரசிகர்கள் மத்தியில் நல்ல வரவேற்பு கிடைத்திருக்கிறது.