மும்பை மருத்துவமனையில் அனுஷ்கா, கோஹ்லி: எதுக்குன்னு கேட்காதீங்க?

மும்பை: நடிகை அனுஷ்கா சர்மாவும், கிரிக்கெட் வீரர் கோஹ்லியும் மும்பையில் உள்ள மருத்துவமனைக்கு ஜோடியாக சென்று வந்துள்ளனர்.

பாலிவுட் நடிகை அனுஷ்கா சர்மாவும், கிரிக்கெட் வீரர் கோஹ்லியும் காதலர்கள். அவர்கள் ஜோடி போட்டு பல்வேறு இடங்களுக்கு சென்று வருகிறார்கள். நள்ளிரவு நேரத்தில் காரில் மும்பையை சுற்றுகிறார்கள். ஆனால் இது குறித்து கேட்டால் அனுஷ்கா பேச்சை மாற்றிவிடுவார்.

அனுஷ்காவுக்கும், கோஹ்லிக்கும் நிச்சயதார்த்தம் நடத்த அவர்களின் பெற்றோர்கள் அண்மையில் சந்தித்து பேசியதாக தகவல் கிடைத்துள்ளது. இந்நிலையில் காதல் ஜோடி மும்பை அந்தேரி பகுதியில் உள்ள கோகிலாபென் திருபாய் அம்பானி மருத்துவமனைக்கு சென்றுள்ளது.

மருத்துவமனையில் இருந்து ஜோடியாக வெளியே வந்த அவர்களை பலரும் போட்டோ எடுத்துள்ளனர். கோஹ்லி மேட்சுக்கு பயிற்சி செய்கையில் அரங்கிற்கு அனுஷ்கா செல்வதும், அவரின் படப்பிடிப்பு தளத்திற்கு கோஹ்லி செல்வதும் வழக்கமான ஒன்றாகும்.

அனுஷ்கா சர்மா தற்போது ஆமீர் கானுடன் சேர்ந்து பி.கே. படத்தில் நடித்து வருகிறார் என்பது குறிப்பிடத்தக்கது.