பெண்களை இழிவுபடுத்தும் 'அப்பாடக்கர்' .. கொந்தளிக்கும் மகளிர் அமைப்புகள்

சென்னை: ரோமியோ ஜூலியட்டில் கிடைத்த வரவேற்பு வெற்றி இரண்டையும் தக்க வைத்துக் கொள்வதில், என்ன கஷ்டம் என்று தெரியவில்லை. தொடர்ந்து சொதப்பி வருகிறார் ஜெயம் ரவி.

அப்படி என்ன செய்து விட்டார் என்று கேட்கிறீர்களா? சொல்கிறேன் கேளுங்கள், ரோமியோ ஜூலியட் வெற்றிப் படமாக மாறியதில் அடுத்தடுத்து கிடப்பில் கிடந்த ஜெயம் ரவியின் படங்கள் தூசு தட்டப்பட்டு வேகமாக வெளியிடத் தயாராகி வருகின்றன.

இதில் அப்பாடக்கர் படத்தின் போஸ்டர்கள் சமீபத்தில் வெளியாகி உள்ளன. இதில் ஒரு போஸ்டரில் ஜெயம் ரவியின் கழுத்தை த்ரிஷாவும், அஞ்சலியும் நெரிப்பது போல அமைந்து உள்ளது. இது பெண்களை கொடுமைக்காரர்களாக சித்தரிப்பது போன்று இருக்கிறது.

இதுவாவது பரவாயில்லை மற்றொரு போஸ்டரில் சுவற்றில் ஒரு பெண்ணின் படம் வரைந்திருக்க, ஜெயம் ரவியும் சூரியும் அந்தப் பெண்ணின் முகத்தில் சிறுநீர் கழிப்பது போன்று உள்ளது.

தற்போது இந்தப் போஸ்டர்கள் மகளிர் அமைப்புகள் மத்தியில் கடும் கண்டனங்களை எழுப்பி வருகின்றன, படத்தில் இந்தக் காட்சி படத்தில் வெளியானால் கடும் எதிர்ப்பை தெரிவிப்போம் என்று இப்போதே கொடிபிடித்துக் கிளம்புகின்றனர் மகளிர் அமைப்பினர்.