என்னது இசைப்புயலுக்கு இவ்ளோ பெரிய பொண்ணா... ஏஆர் ரஹ்மான் மகளுக்கு நிச்சயதார்த்தம்!

இசைப்புயல் ஏஆர் ரஹ்மான்

இசைப்புயல் என்று ரசிகர்களால் அழைக்கப்படுபவர் ஏஆர் ரஹ்மான். மணிரத்னம் இயக்கத்தில் வெளியான ரோஜா படத்தின்மூலம் தமிழ் சினிமாவில் இசையமைப்பாளராக அறிமுகமான இவருக்கு தொடர்ந்து ஏறுமுகம்தான். தென்னிந்திய மொழிப் படங்களில் இசையமைத்த இவர் தொடர்ந்து பாலிவுட்டிற்கு சென்றார்.

ஹாலிவுட்டிலும் இசை

தொடர்ந்து இந்திய அளவில் அனைத்து மொழிப் படங்களுக்கும் இசையமைத்து வரும் ஏஆர் ரஹ்மான், ஹாலிவுட்டிலும் இசையமைத்து வருகிறார். ஸ்லம் டாக் மில்லியனர் என்ற படத்தில் இசையமைத்ததன் மூலம் 2 ஆஸ்கார் விருதுகளை பெற்று தமிழகத்திற்கு பெருமை சேர்த்துள்ளார்.

ஆஸ்கார் நாயகன்

ஆஸ்கார் மேடையில் எல்லா புகழும் இறைவனுக்கே என்று தமிழை ஒலிக்க செய்தார். தனது சொந்த வாழ்க்கையிலும் தொடர்ந்து மிளிர்ந்துவரும் இவருக்கு ஒரு மகன் மற்றும் இரண்டு மகள்கள் உள்ளனர். இதில் அவரது மகள் கதீஜா ரஹ்மானுக்கு திருமணம் நிச்சயிக்கப்பட்டுள்ளது.

மகளுக்கு நிச்சயதார்த்தம்

கடந்த 23ம் தேதி கதீஜா மற்றும் மணமகன் பயஸ் ஆகியோருக்கு சென்னையில் நிச்சயதார்த்தம் நடந்து முடிந்துள்ளது. இவர்களுக்கு விரைவில் திருமணம் நடக்கவுள்ளதாகவும் விரைவில் திருமண தேதி அறிவிக்கப்படும் என்றும் தெரிவிக்கப்பட்டுள்ளது.

Recommended Video

A. R. Rahman தான் சாரங்கியில் புதுமையை முயற்சித்தார் | Manonmani Sarangi player | Filmibeat Tamil

இளமையான இசைப்புயல்

ஏஆர் ரஹ்மானை அதிகமாக பல்வேறு நிகழ்வுகளின் மேடைகளில் காண முடிகிறது. இளமையான தோற்றத்துடன் காணப்படும் அவருக்கு திருமண வயதில் பெண் உள்ளதும் அவருக்கு திருமண நிச்சயதார்த்தம் நடந்து முடிந்துள்ளதும் அவரது ரசிகர்களுக்கு ஆச்சர்யத்தை ஏற்படுத்தியுள்ளது.