உதயநிதிக்கு பிறந்தநாள் வாழ்த்து சொன்ன ஏ.ஆர். ரஹ்மான்.. கர்ணன் பாணியில் வெளியான மாமன்னன் க்ளிம்ஸ்!

உதயநிதி பிறந்தநாள்

தமிழ்நாடு முதலமைச்சர் மு.க. ஸ்டாலினின் மகனான உதயநிதி ஸ்டாலின் இன்று தனது 45வது பிறந்தநாளை கொண்டாடினார். 1977ம் ஆண்டு நவம்பர் 27ம் தேதி பிறந்தவர் உதயநிதி. இயக்குநர் கிருத்திகாவை மணந்து கொண்ட உதயநிதிக்கு இன்பநிதி மற்றும் தன்மயா என இரு குழந்தைகள் உள்ளனர். அரசியல், சினிமா மற்றும் தயாரிப்பு என படுபிசியாக வாழ்ந்து வருகிறார்.

ஏ.ஆர். ரஹ்மான் வாழ்த்து

காலை முதலே உதயநிதி ஸ்டாலினுக்கு ஏகப்பட்ட அரசியல்வாதிகளும், சினிமா பிரபலங்களும் வாழ்த்து தெரிவித்துள்ளனர். கமல்ஹாசன் உள்ளிட்ட பிரபலங்கள் வாழ்த்து சொன்ன நிலையில் தற்போது ஏ.ஆர். ரஹ்மான் ஒரு ஸ்பெஷல் வீடியோ வெளியிட்டு பிறந்தநாள் வாழ்த்துக்களை கூறியுள்ளார்.

கர்ணன் மாதிரியே

பரியேறும் பெருமாள் படத்தில் இருந்து முற்றிலும் மாறுபட்டு தனுஷை வைத்து கர்ணன் படத்தை இயக்கி இருந்தார் மாரி செல்வராஜ். மாமன்னன் படமும் டோட்டலாக வேற ஜானர் படம் எனக் கூறப்பட்டது. அரசியல் கதைக்களத்துடன் உருவாகி உள்ள இந்த படத்தில் கர்ணன் படத்தில் தனுஷ் கத்தி உடன் நிற்பது போலவே உதயநிதியும் நிற்பது போன்ற காட்சிகள் இந்த க்ளிம்ஸில் இடம்பெற்றுள்ளன.

கீர்த்தி சுரேஷ் வாழ்த்து

மாமன்னன் படத்தை திரையில் காண ரொம்பவே ஆவலுடன் காத்திருக்கிறேன். உங்களுடன் பணிபுரிந்த அனுபவம் ரொம்பவே சந்தோஷத்தை கொடுத்தது. இனிய பிறந்தநாள் வாழ்த்துக்கள் உதயநிதி என வாழ்த்து சொன்ன நடிகை கீர்த்தி சுரேஷ், மாமன்னன் படத்தை தாண்டி Behind the Screen காமெடிகளை பார்க்க ரொம்பவே ஆவலுடன் இருப்பதாக பதிவிட்டுள்ளார்.

ராஜ ராஜன்

"எங்கள் நிகழ் காலம் நீங்கள் தான், எங்கள் நிஜ முகமும் நீங்கள் தான், எங்கள் வருங்காலம் நீங்கள் தான், எங்கள் பொற்காலமும் நீங்கள் தான், எங்கள் ராஜ ராஜனுக்கு, இனிய பிறந்தநாள் வாழ்த்துக்கள்" என ஐஸ்வர்யா ராஜேஷின் டிரைவர் ஜமுனா படத்தின் தயாரிப்பாளர் எஸ்.பி. செளத்ரியும் தனது ட்விட்டர் பக்கத்தில் உதயநிதி ஸ்டாலினுக்கு பிறந்தநாள் வாழ்த்து தெரிவித்துள்ளார்.