இந்தியில் நடிக்கும் அரவிந்த சாமி

மணிரத்னம் பேவரைட்

தளபதி, ரோஜா, மும்பை என மணிரத்னம் படங்களில் அதிகம் நடித்த அரவிந்தசாமி, பிற இயக்குநர்கள் இயக்கிய என் சுவாசக்காற்றே, தாலாட்டு போன்ற 18 படங்களில் நடித்துள்ளார். தமிழ் மட்டுமல்லாது மலையாளம், இந்தி படங்களிலும் நடித்துள்ள அரவிந்தசாமி மணிரத்தினத்தின் அலைபாயுதே படத்தில் கடைசியாக நடித்தார்.

மகேந்திரன் இயக்கத்தில்

பிரபல இயக்குநர் மகேந்திரன் இயக்கத்தில் சாசனம் படத்தில் 2006ம் ஆண்டு அவர் கடைசியாக நடித்தார். பின்னர் திரை உலகை விட்டு ஒதுங்கிவிட்டார்.

கடல் படத்தில்

நீண்ட வருடங்களுக்குப் பின்னர் கடல் படத்தில் மீண்டும் மணிரத்னம் மூலம் திரை உலகில் நுழைந்துள்ளார். இதற்குப்பின்னர் அவருக்கு தெலுங்கு, இந்திப் பட வாய்ப்புகள் வரத் தொடங்கியுள்ளது.

பீஜே நம்பியார் இயக்கத்தில்

மணிரத்தினத்தின் உதவியாளரும், டேவிட் பட இயக்குநருமான பீஜே நம்பியார் இயக்கும் இந்திப்படத்தில் இப்போது நடிக்க உள்ளார் அரவிந்தசாமி. இவர் ஏற்கனவே பிரியதர்சன் இயக்கத்தில் ஜூகிசாவ்லா உடன் இந்திப்படத்தில் நடித்துள்ளார்.