ரியோ தான் ரியல் வின்னர்.. வெளியேறிய அர்ச்சனாவின் ஆசை பலிக்குமா? மத்தவங்களுக்கு என்ன சொன்னாங்க?

அன்பு கேங்

பிக் பாஸ் வீட்டில் அன்பை வைத்து குரூபிசம் உருவாக்கி அர்ச்சனா விளையாடினார் என்கிற குற்றச்சாட்டையும் கடைசியாக, அன்பு வைத்துத்தானே விளையாடினேன் அதில் தப்பு இல்லை என அவரே ஒப்புக் கொண்டார். ஆனால், ரசிகர்கள் தொடர்ச்சியாக அன்பு கேங்கில் இருப்பவர்களை வெளியேற்றி செம ட்விஸ்ட் கொடுத்துள்ளனர்.

அப்பா சாரிப்பா

அர்ச்சனாவின் அப்பா பற்றி நிஷா பேசியதும், அர்ச்சனா பொங்கிய பொங்கலுக்கு போன வாரமே அவரை வெளியேற்ற வேண்டும் என ரசிகர்கள் முடிவு கட்டினர். ஏகப்பட்ட ட்ரோல் மீம்களும் அதை மையமாக வைத்து குவிந்து வந்த நிலையில், நிஷாவை தொடர்ந்து இந்த வாரம் அர்ச்சனாவும் வெளியேற்றப்பட்டார். அப்பா சாரிப்பா!

சந்தோஷாம் தான்

ரியோ, ஆரி, சோமசேகர், ஷிவானி எல்லாம் சேவ் ஆன உடனே தான் தான் இந்த வாரம் வீட்டை விட்டு வெளியேறப் போகிறேன் என முடிவு பண்ணி விட்டார் அர்ச்சனா. கமல்ஹாசனிடம் வந்து பேசும் போது, 40 நாட்கள் தாக்குப் பிடிப்பேனா என நினைத்தேன். ஆனால், 77 நாட்கள் வரை வந்தது ரொம்ப சந்தோஷம் தான் சார் எனக் கூறினார்.

அன்பு தான் கடவுள்

அன்பு என்பதை நீங்க ஒரு ஸ்ட்ராட்டஜியை பயன்படுத்தி விளையாடுனீங்க எங்கிற குற்றச்சாட்டுக்கு என்ன சொல்லப் போறீங்க என கமல் கேட்டதும், அன்பு தான் கடவுள் அப்படின்னு நான் சொல்லல, நீங்க தான் சொன்னீங்க, அது எனக்கு தப்பா தெரியல.. சின்ன வயசுல இருந்தே என்னை பார்க்குறவஙக்ளுக்கு அது தெரியும் என்றார்.

நல்லா விளையாடுங்க

அதன் பின்னர் அகம் டிவி வழியே ஹவுஸ்மேட்களை சந்தித்துப் பேசிய அர்ச்சனா, அனிதா அழகா இருக்க என்றும், ரம்யா என்னை பார்த்துத் தான் வெட்கப்படும் என்றார். ஷிவானிக்கு கொடுத்த பாசம் உண்மை என்றும், பாலா, சோமசேகருக்கு லவ் யூவையும் சொன்னார்.

நேர்மையா ஆடுங்க ஆரி

நேர்மை.. நேர்மைன்னு சொன்னா மட்டும் போதாது, ஆரி அதனை அதிகமாக வெளிப்படுத்துங்க என ஆரி நேர்மையாக விளையாடவில்லை என்பதை குத்திக் காட்டும் விதமாக அர்ச்சனா பேசினார். சட்டென இங்க வந்தும் சண்டையை தொடர வேண்டாம் என நினைத்த அவர், சிரிச்சிட்டே இருங்க, அது தான் உங்களுக்கு அழகா இருக்கு என்று பேச்சை மாற்றினார்.

Recommended Video

AUDITION இல்லாம SELECT ஆனேன் | SINGAPPENNEY TEAM CHAT | FILMIBEAT TAMIL

ரியல் வின்னர் ரியோ

பிக் பாஸ் வீட்டில் இருந்து கிளம்பும் போதே ரியோவை கட்டிப் பிடித்துக் கொண்டு, எனக்காக நீ டைட்டில் ஜெயிச்சுட்டு வரணும் என பேசி விட்டு சென்றார். பிளாஸ்மா டிவி வழியாக பார்க்கும் போதும், தனது கேங்கான சோம், கேபி மற்றும் ரியோவுக்கு அதிக முக்கியத்துவம் கொடுத்த அர்ச்சனா, ரியல் வின்னர் ரியோ, டைட்டில் வின் பண்ணனும் என பேசியது ரசிகர்களை ரொம்பவே கடுப்பாக்கி உள்ளது.