அடேங்கப்பா.. ஆள் உயரத்துக்கு இருக்கே..அருண் விஜயின் செல்ல நாய் ருத்ரா!

கை நிறைய படங்களுடன்

என்னை அறிந்தால் படம் மிகப்பெரிய வெற்றி பெற்ற நிலையில் அதில் வில்லனாக நடித்து மாஸ் காட்டியிருந்த அருண் விஜய்க்கு வாழ்க்கையே திருப்பிப் போட்ட மாதிரி இப்பொழுது எக்கச்சக்கமான படங்களில் கதாநாயகனாக நடித்து பட்டையைக் கிளப்பி வருகிறார். குற்றம் 23, தடம், செக்கச்சிவந்த வானம் என இவர் நடித்து அடுத்தடுத்து திரைப்படங்கள் தொடர் வெற்றியை பெற கை நிறைய படங்களுடன் இப்போது நடித்து வருகிறார்.

பிரியா பவானி சங்கர்

அதிரடி இயக்குனர் ஹரி இயக்கத்தில் புதிய திரைப்படத்தில் நடிக்கும் படப்பிடிப்பு விறு விறு வேகத்தில் வழக்கம்போல நடைபெற்று வருகிறது இதில் இவருக்கு ஜோடியாக பிரியா பவானி சங்கர் நடித்து வருகிறார். பிரியா பவானி சங்கர் ஏற்கனவே மாஃபியா திரைப்படத்தில் இணைந்து நடித்திருப்பது குறிப்பிடத்தக்கது.

33வது திரைப்படமாகும்

குற்றம் 23 படத்தின் மாபெரும் வெற்றிக்கு பிறகு மீண்டும் அறிவழகன் இயக்கத்தில் நடித்து வரும் படம் பாக்ஸிங்கை மையமாகக் கொண்டு இருக்க இதில் இவருக்கு ஜோடியாக நடிகை ரெஜினா கெஸன்ட்ரா நடித்து வருகிறார் இதன் படப்பிடிப்பு சமீபத்தில் முடிவடைந்தது. என்பதை அதிகாரப்பூர்வமாக அறிவித்திருந்தார். இந்த படம் அருண் விஜய்க்கு 33வது திரைப்படமாகும்.

பாசத்தை பொழிந்த

சினம், பாக்ஸர், அக்னி சிறகுகள் மற்றும் பெயரிடப்படாத திரைப்படங்கள் என தொடர்ந்து படு பிசியாக நடித்து வரும் அருண் விஜய் நீண்ட நாட்களுக்கு பிறகு வீட்டுக்கு திரும்பி இருக்க வீட்டில் வளர்த்து வரும் செல்ல நாய் ருத்ரா இவரைப் பார்த்தவுடனேயே ஓடி வந்து கட்டி அணைத்த பாசத்தை பொழிந்த புகைப்படத்தை சமூக வலைத்தளத்தில் பகிர்ந்து லைக்குகளை குவித்து வருகிறது. மேலும் இதைப் பார்த்த ரசிகர்கள் இது என்ன நாயா இல்ல டைனோசரா என கேட்டு வருகின்றனர்.