இந்த வார ரிலீஸ்.. வசூலில் ராக்கெட்ரி, டி ப்ளாக் படங்களை தட்டித் தூக்கிய யானை.. முதல் நாள் நிலவரம்!

ராக்கெட்ரி வசூல்

மாதவன் இயக்கி நடித்த ராக்கெட்ரி திரைப்படம் வெள்ளிக்கிழமை வெளியான நிலையில், ஒட்டுமொத்தமாக உலகளவில் வெறும் 3.5 முதல் 4 கோடி வரை தான் வசூல் என்கின்றனர். தமிழ், இந்தி மற்றும் மலையாளம் மொழிகளில் ராக்கெட்ரி திரைப்படம் வெளியானது. தேச துரோகி என முத்திரைக் குத்தப்பட்ட ஒரு இந்திய விஞ்ஞானியின் போராட்டங்கள் தான் இந்த படத்தின் கதை. இது அவார்டு படம்ப்பா என வெகுஜன ரசிகர்கள் ராக்கெட்ரியை ஒதுக்கி விட்டார்களோ என்கிற கேள்வியும் எழத்தான் செய்கிறது.

டி ப்ளாக் வசூல்

எருமைசாணி விஜய் இயக்கத்தில் அருள்நிதி, அவந்திகா நடிப்பில் வெளியான சைக்கோ த்ரில்லர் படமான டி ப்ளாக் முதல் நாளில் வெறும் 40 லட்சம் ரூபாய் மட்டுமே வசூல் செய்திருப்பதாக தகவல்கள் வெளியாகி உள்ளன. இந்த படத்தின் பட்ஜெட்டும் 9 கோடிக்குள் தான் என்கின்றனர். அந்த தொகையையாவது படம் ஈட்டுமா என்பது சந்தேகம் என பாக்ஸ் ஆபிஸ் டிராக்கர்கள் தகவல் தெரிவித்துள்ளனர். தியேட்டர்களில் வெறும் 20 சதவீதத்திற்கு குறைவான ஆக்குபன்சியே இருப்பது தான் இதற்கு காரணம் என்கின்றனர்.

முதலிடத்தில் யானை

இந்த வாரம் வெளியான 3 படங்களில் விமர்சன ரீதியாக இரண்டாவது இடத்தை பிடித்துள்ள அருண் விஜய்யின் யானை திரைப்படம் வசூல் ரீதியாக முதலிடத்தை பிடித்திருக்கிறது. இயக்குநர் ஹரி 3.5 ஆண்டுகள் கழித்து படத்தை வெளியிட்டுள்ள நிலையில், ஹரியின் பழைய ஃபார்முலா, மசாலா, குடும்ப சண்டை, ஆக்‌ஷன் காட்சிகள், காமெடி என்பதை பார்க்க ஆடியன்ஸ் திரண்டதே இந்த படம் வசூல் ரீதியாக நல்ல வரவேற்பை பெற்றதற்கான காரணம் என்கின்றனர்.

Yaanai Movie Review | Yessa ? Bussa ? யானை |Arun Vijay | Priya Bhavani Shankar

முதல் நாள் வசூல்

உலகம் முழுவதும் மொத்தம் 1500 ஸ்க்ரீன்களில் வெளியான யானை திரைப்படம் தமிழ்நாட்டில் 4 கோடி ரூபாய் வசூலும், ஒட்டுமொத்தமாக 5 கோடி ரூபாய் வசூலையும் ஈட்டியிருப்பதாக தகவல்கள் வெளியாகின. இந்த படத்தின் புரமோஷனுக்காக கமல்ஹாசனை போல அருண் விஜய்யும் மலேசியாவுக்கெல்லாம் சென்றது குறிப்பிடத்தக்கது. சனி மற்றும் ஞாயிற்றுக்கிழமைகளிலும் படத்தின் புக்கிங் 80 சதவீதமாக உள்ளதாக தகவல்கள் வெளியாகி உள்ள நிலையில், முதல் வாரத்தின் முடிவில் 15 கோடிக்கும் அதிகமான வசூலை யானை அள்ளும் என எதிர்பார்க்கப்படுகிறது.