கஷ்டப்பட்டதுக்கெல்லாம் பலன் கிடைச்சிருக்கு.. இது அருண் விஜய்யின் யானை விமர்சனம்!

சிவகார்த்திகேயன் வாழ்த்து

அருண் விஜய்க்கும் சிவகார்த்திகேயனுக்கும் பனிப்போர் என சர்ச்சை கிளம்பிய நிலையில், காலையிலேயே சிவகார்த்திகேயன் முதல் ட்வீட்டாக போட்டு யானை படம் வெற்றிப் பெற வாழ்த்துக்கள் என போட்டிருக்கிறார். சிவகார்த்திகேயன் ரசிகர்கள் மற்றும் அருண் விஜய் ரசிகர்கள் என பலரும் யானை படத்திற்கு ஆதரவு அளித்து கமெண்ட்டுகளை பதிவிட்டு வருகின்றனர்.

ஹரி இஸ் பேக்

சாமி, வேல், ஐயா, தாமிரபரணி, சிங்கம் சீரிஸ் என கமர்ஷியல் படங்களாக இயக்கி தமிழ் சினிமாவை கலக்கிய இயக்குநர் ஹரி மீண்டும் நான் திரும்ப வந்துட்டேன்னு யானை பாம் மூலமாக தனது பலத்தை நிரூபிக்க முயற்சித்துள்ளார். விஷாலின் தாமிரபரணி படத்தை லைட்டா பட்டி டிங்கரிங் பார்த்தால் எப்படி இருக்குமோ? அப்படித்தான் இந்த படத்தின் கதை இருக்கிறது என்றாலும், மேக்கிங்கில் மிரட்டி இருக்கிறார் ஹரி.

அருண் விஜய் ஹேப்பி

அஜித்தின் என்னை அறிந்தால் படத்தை ரசிகர்களுடன் பார்த்து விட்டு அவர்கள் கொடுத்த ஆதரவை பார்த்து கதறியழுத அருண் விஜய் இன்று மீண்டும் தியேட்டரில் ரசிகர்களுடன் யானை படத்தின் FDFS படம் பார்த்த அருண் விஜய் ரொம்பவே சந்தோஷப்பட்டு பேசியுள்ள வீடியோ இணையத்தில் டிரெண்டாகி வருகிறது. காலையிலேயே படத்திற்கு ஆசி வழங்கி அவரது அப்பா விஜயகுமார் வாழ்த்தி அனுப்பி வைத்ததையும் கலாட்டா யூடியூப் சேனல் கவர் செய்திருந்தது.

அருண் விஜய்யின் யானை விமர்சனம்

படம் முடிந்து வெளியே வந்த நிலையில், படம் எப்படி இருக்கு என அருண் விஜய்யிடம் பல மைக்குகள் நீட்டப்பட்ட நிலையில், ரொம்ப சந்தோஷமாக இருக்கு, பட்ட கஷ்டத்துக்கெல்லாம் பலன் கிடைச்சிருக்குன்னு நம்புறேன். எதிர்பார்த்த இடங்களை விட பல இடங்களில் ரசிகர்கள் கைதட்டியது மனதை ரொம்பவே உற்சாகப்படுத்தி உள்ளது என யானை படம் நிச்சயம் பிளாக்பஸ்டர் ஹிட் அடிக்கும் என்கிற தனது விமர்சனத்தை முன் வைத்துள்ளார்.