இந்த தடவையாவது ஒர்க் அவுட் ஆகணும்.. சாயிஷா அம்மாவிடம் காதலைச் சொன்ன ஆர்யா!

எங்க வீட்டு மாப்பிள்ளை:

நடிகர் ஆர்யா பெரும்பாலும் தன்னுடன் நடித்த அனைத்து நடிகைகளுடனுமே சேர்ந்து கிசுகிசுக்கப்பட்டார். எப்போது தான் அவர் திருமணம் செய்து கொள்வார் என தமிழ் திரையுலகமே எதிர்பார்த்தது. தனியார் தொலைக்காட்சி ஒன்று அவருக்காக பெண் தேடும் படலத்தைக்கூட நிகழ்ச்சியாக ஒளிபரப்பியது.

சாயிஷாவுடன் காதல்:

ஆனால், அதிலும் கடைசி வரை தான் திருமணம் செய்து கொள்ளப் போகும் பெண் யார் என்பதைத் தேர்வு செய்யவில்லை ஆர்யா. இதனால் இந்த மனுசனுக்கு இந்த ஜென்மத்துல கல்யாணமே ஆகாதுப்பா என பலரும் பேசிக் கொண்டனர். ஆனால், யாரும் எதிர்பார்க்காத நேரத்தில் காதலர் தினத்தில் தங்களது காதலை உலகிற்கு அதிகாரப்பூர்வமாக அறிவித்தனர் ஆர்யாவும், சாயிஷாவும். கடந்த மார்ச் மாதம் திருமணமும் செய்து கொண்டனர்.

குழப்பம்:

கஜினிகாந்த் படத்தில் சேர்ந்து நடித்த இந்த ஜோடி, பின் காப்பான் படத்தில் ஒன்றாக பணி புரிந்தது. இந்தப் படங்களின் படப்பிடிப்பில் தான் இருவருக்கும் இடையே காதல் மலர்ந்திருக்க வேண்டும் எனக் கருதப்பட்டது. ஆனால், சாயிஷாவின் அம்மாவோ இது காதல் திருமணமல்ல, பெற்றோர்கள் பார்த்து நிச்சயித்த திருமணம் எனக் கூறி குழப்பினார்.

ஆர்யா பேச்சு:

இதனால் ஆர்யா-சாயிஷா திருமணம் காதல் திருமணமா அல்லது பெற்றோர்கள் பார்த்து நடத்தி வைத்த திருமணமா என்ற சந்தேகம் இருந்து வந்தது. தற்போது காப்பான் பட இசை வெளியீட்டு விழா மூலம் இதற்கு விடை கிடைத்துள்ளது. அதாவது, ‘இந்த காதல் திருமணத்தில் முடிய வேண்டும் என்பதற்காக சாயிஷாவின் தாயிடம் தான் தனது விருப்பத்தை முதலில் கூறியதாக' ஆர்யா தெரிவித்துள்ளார்.

சாயிஷாவின் அம்மா:

இதுகுறித்து அவ்விழாவில் அவர் பேசியதாவது, "சாயிஷாவிடம் என் காதலை நான் நேரடியாக சொல்லவில்லை. இதற்குமுன் நான் பலமுறை பெண்களிடமே நேரடியாக காதலை சொல்லி தவறாக போயிருக்கிறது. எனவே அவரது அம்மாவிடம் தான் நான் என் விருப்பத்தை முதலில் தெரிவித்தேன்" என்றார்.