கோல்டன் குளோப் வென்ற அமெரிக்க வாழ் தமிழர்!

75-வது கோல்டன் குளோப்

அமெரிக்காவில் சிறந்த திரைப்படங்கள் மற்றும் தொலைக்காட்சித் தொடர்களுக்காக ஒவ்வொரு ஆண்டும் கோல்டன் குளோப் எனும் விருதுகள் வழங்கப்படுகின்றன. 75-வது கோல்டன் குளோப் விருதுகள் சமீபத்தில் அறிவிக்கப்பட்டுள்ளன. அதில் தமிழகத்தை பூர்வீகமாக கொண்ட அமெரிக்கர் ஒருவருக்கு கோல்டன் குளோப் விருது கிடைத்துள்ளது.

அஸீஸ் இஸ்மாயில் அன்சாரி

கலிஃபோர்னியாவில் நடைபெற்ற 75-வது கோல்டன் குளோப் விருதுகளில் நகைச்சுவை அல்லது இசையம்சம் கொண்ட தொலைக்காட்சித் தொடர்களுக்கான பிரிவில் சிறந்த நடிகர் விருது அஸீஸ் இஸ்மாயில் அன்சாரிக்கு வழங்கப்பட்டுள்ளது.

ஹாலிவுட் நடிகர்

2015-ல் இருந்து ஒளிபரப்பாகிவரும் 'The Master Of None' என்னும் தொலைக்காட்சித் தொடரில் சிறப்பாக நடித்ததற்காக இந்த விருது வழங்கப்பட்டுள்ளது. இத்தொடரில் அன்சாரி முக்கிய கதாப்பாத்திரத்தில் நடித்து வருகிறார். இவர் ஏற்கனவே சில ஹாலிவுட் படங்களிலும் சில கதாபாத்திரங்களில் நடித்திருக்கிறார்.

பூர்வீகம் தமிழ்நாடு

அஸீஸ் இஸ்மாயில் அன்சாரியின் பெற்றோர் தமிழகத்தை பூர்வீகமாகக் கொண்டவர்கள். ஆனால், அஸீஸ் பிறந்தது வளர்ந்தது எல்லாமே அமெரிக்காவில்தான். 34 வயதாகும் அஸீஸ் அன்சாரிக்கு தமிழ் மொழியும் தெரியுமாம்.