சத்தமே இல்லாமல் ரைஸ் ஆகும் அந்த பிரபல நடிகர்.. அட்லியின் பார்வை இப்போ அவர் மேல தானாம்?

சொதப்பும் ஷாருக்கான்

இயக்குநர் அட்லியின் திரைக்கதை பிடித்துப் போனாலும், அவரை வெயிட்டிங் லிஸ்டிலேயே நடிகர் ஷாருக்கான வைத்திருப்பதாக தகவல்கள் வெளியாகி வருகின்றன. ராஜ்குமார் ஹிரானி இயக்கத்தில் தான் ஷாருக்கான் அடுத்ததாக நடிக்கப் போவதாகவும், அட்லியின் பாலிவுட் என்ட்ரி தாமதம் ஆகலாம் என்றும் கருதப்படுகிறது.

மீண்டும் தமிழ்

பாலிவுட் பயணம் தாமதமாகும் நிலை உருவாகி வரும் நிலையில், தமிழில் தயாரிப்பு பணிகளில் கவனம் செலுத்த தொடங்கி உள்ளார் இயக்குநர் அட்லி. ஏ ஃபார் ஆப்பிள் தயாரிப்பு நிறுவனத்தை நடத்தி வரும் அவர் அர்ஜுன் தாஸ் நடிப்பில் உருவாகி உள்ள அந்தகாரம் படத்தை வாங்கி வெளியிட திட்டமிட்டுள்ளார். தியேட்டர்கள் திறக்கப்படாததால் OTT தளத்தில் அந்த படம் ரிலீஸ் ஆகப் போகிறது.

விஜய் இல்லை

இந்நிலையில், அடுத்ததாக உருவாக உள்ள அட்லியின் படத்தில் நடிகர் விஜய்க்கு பதிலாக ஜெயம் ரவி நடிக்கப் போவதாக தகவல்கள் கசிந்துள்ளன. ஆனால், அந்த படத்தை அட்லியின் உதவி இயக்குநர் இயக்க உள்ளார். அட்லி அந்த படத்தை தயாரிக்க உள்ளார் என்ற தகவல் தான் தற்போது கோலிவுட்டின் ஹாட் டாபிக்கே.

சத்தமே இல்லாமல் சாதனை

தெலுங்கு படங்களை ரீமேக் செய்து ஹிட் கொடுத்து வந்த நடிகர் ஜெயம் ரவி, தனி ஒருவன் படத்திற்கு பிறகு, சத்தமே இல்லாமல் கோலிவுட்டின் அடுத்த பாக்ஸ் ஆஃபிஸ் கிங்காக மாறி வருகிறார். கடந்த ஆண்டு வெளியான கோமாளி படமும் அவருக்கு பிளாக்பஸ்டர் ஹிட் கொடுத்தது குறிப்பிடத்தக்கது.

பெரிய படங்கள்

லக்‌ஷ்மண் இயக்கத்தில் ஜெயம் ரவி, நிதி அகர்வால் நடிப்பில் உருவாகி உள்ள பூமி படம் ரிலீசுக்கு ரெடியாக இருக்கிறது. மணிரத்னம் இயக்கத்தில் பிரம்மாண்ட பட்ஜெட்டில் உருவாகி வரும் பொன்னியின் செல்வன் படத்தில் லீடு ஹீரோவாக ஜெயம் ரவி நடித்து வருகிறார். கோலிவுட்டில் ஜெயம் ரவியின் வளர்ச்சி நாளுக்கு நாள் அதிகரித்து வருவது குறிப்பிடத்தக்கது.