மீரா, வனிதாவை வச்சு செய்த சாண்டி, கவின்.. பழி தீர்த்து கொண்ட தர்ஷன்.. நிஜமாவே வீ மிஸ் யூ பாய்ஸ் கேங்

வீ ஆர் தி பாய்ஸ்

பிக் பாஸ் முடிந்து ஒரு வாரம் ஆகி விட்ட நிலையில், போட்டியாளர்களின் சமூகவலைதளப் பக்கப் பதிவுகளை பார்த்து மட்டுமே தங்களை கொஞ்சம் ஆசுவாசப் படுத்தி வந்தனர் ரசிகர்கள். அவர்களுக்கு விருந்து வைப்பது போல் நேற்று விஜய் டிவியில் ஒளிபரப்பானது வீ ஆர் தி பாய்ஸ் நிகழ்ச்சி.

குருநாதா

இதில் சாண்டி, கவின், முகென் மற்றும் தர்ஷன் ஆகியோர் சிறப்பு விருந்தினர்களாகக் கலந்து கொள்ள, மாகாபா ஆனந்த்தும், ரியோவும் தொகுத்து வழங்கினர். சிலர் குருநாதா டீ சர்ட்டும், சிலர் வீ ஆர் தி பாய்ஸ் டீ சர்ட்டும் அணிந்திருந்தனர். நிகழ்ச்சியை கொஞ்சமும் விறுவிறு குறையாமல் பார்த்துக் கொண்டனர் பாய்ஸ் டீம்.

வனிதா

அவர்களது கலகலப்பான பேச்சு, இடையிடையே காட்டப்பட்ட பிக் பாஸ் காட்சிகள் எல்லாமே நன்றாக இருந்தது. சுமார் இரண்டரை மணி நேரங்களுக்கு மேலாக ஒளிபரப்பான போதும், நிகழ்ச்சியை சலிப்பில்லாமல் உருவாக்கியதற்கு நிச்சயம் பாராட்டியே ஆக வேண்டும். தயவு தாட்சண்யமே இல்லாமல் வனிதாவையும், மீராவையும் பங்கம் செய்தனர் சாண்டி அண்ட் கோ.

நேரில் வந்த பவர் பாட்டி

திடீர் சர்ப்பிரைசாக சாண்டியின் கற்பனைக் கதாபாத்திரமான பவர் பாட்டியும் இடையில் வந்து கொஞ்சம் கலகலப்பூட்டினார். சக போட்டியாளர்களின் டீ சர்ட்களைப் போட்டுக் கொண்டு, மக்கள் மனதில் இருந்த கேள்விகளையெல்லாம் கேட்டு விட்டனர். பிக் பாஸ் வீட்டில் நடந்த பல சுவாரஸ்யமான விசயங்களையும் அவர்கள் பகிர்ந்து கொண்டனர்.

மிஸ் பண்றோம் பாய்ஸ்

அவர்களுக்குள்ளும் சிரித்து, நம்மளையும் சிரிக்க வைத்து, ‘சே நீங்க ரொம்ப மோசம் பிக் பாஸ். அதுக்குள்ள இந்த சீசனை முடிச்சுட்டீங்களே' என சொல்லும்படி இருந்தது நேற்றைய நிகழ்ச்சியில் பாய்ஸ் கேங்கின் கலாட்டாக்கள். நிஜமாகவே உங்களை ரொம்ப மிஸ் பண்றோம் பாய்ஸ் கேங். அடிக்கடி நிகழ்ச்சிக்காக இல்லாட்டியும் உங்கள் ரசிகர்களுக்காக இப்டி ஒண்ணா சேர்ந்து ஜாலியா வீடியோ போடுங்க பாய்ஸ்.