twitter
    For Quick Alerts
    ALLOW NOTIFICATIONS  
    For Daily Alerts

    புதியவர்களுக்கு வாய்ப்பளிக்கும் ஆஸ்திரேலியா தமிழ் திரைப்பட விழா

    By Shankar
    |

    புதியவர்களுக்கும், புதிய முயற்சிகளுக்கும் வாய்ப்பளிக்கும் வகையில் ஆஸ்திரேலிய தமிழ் திரைப்பட விழா தொடங்கப்பட்டுள்ளது.

    இதன் முதல் கட்டமாக குறும்படங்களுக்கென போட்டி வைக்கப்படுகிறது. இந்தப் போட்டியில் பங்கேற்கும் படங்களில் இடம்பெறும் கலைஞர்களுக்கு, புதிய படங்களில் வாய்ப்பு அளிக்கத் திட்டமிட்டுள்ளது ஆஸ்திரேலிய தமிழ்த் திரைப்பட தயாரிப்பாளர்கள் சங்கம்.

    Australian Tamil Film Festival

    இலங்கையில் பிறந்து ஆஸ்திரேலியாவில் செட்டிலான ஈழன் இளங்கோ என்ற திரைப்பட இயக்குநரின் புதிய முயற்சி இது.

    ஈழன் இளங்கோ தமிழில் இனியவளே காத்திருப்பேன் என்ற முழு நீளப் படத்தை சில ஆண்டுகளுக்கு முன் தயாரித்து இயக்கினார். முழுக்க முழுக்க ஆஸ்திரேலிய தமிழ் கலைஞர்கள் நடித்த படம் அது. ஆஸ்திரேலியாவில் வெளியான இந்தப் படம் சர்வதேச அளவில் பல விருதுகளைப் பெற்றது. ஆஸ்திரேலிய பாராளுமன்றத்தில் வாழ்த்துகளைப் பெற்றது இனியவளே காத்திருப்பேன்.

    இது தவிர, தவிப்பு, தொடரும் ஆகிய குறும்படங்களை ஈழன் இளங்கோ இயக்கியுள்ளார். மொழிப் பிறழ்வு (Misinterpretation) என்ற உணர்ச்சிப் பூர்வமான குறும்படத்தையும் இவர் தந்துள்ளார். உலகின் மிகப் பெரிய குறும்படப் போட்டியான TROPFEST 2013-க்காக உருவாக்கப்பட்ட படம் இது.

    TROPFEST 2014 போட்டிக்காக இவர் உருவாக்கிய இன்னொரு குறும் படம் The Silent Scream. ஆஸ்திரேலிய முகாம்களில் வாடும் ஈழத் தமிழ் அகதிகள் குறித்த படம்.

    வாகனம் ஓட்டும் போது செல்போன் பேசுவதால் ஏற்படும் ஆபத்தைக் குறிக்கும் வகையில் ஈழன் இளங்கோ உருவாக்கப்பட்ட ஆங்கிலக் குறும்படம் Anita's Point of View.

    அடுத்து பாரி என்ற முழு நீள தமிழ்ப் படத்தை இயக்குகிறார் ஈழன் இளங்கோ. இந்தப் படத்துக்கு வர்ஷன் இசையமைத்திருந்தார்.இந்தியா, ஆஸ்திரேலியா மற்றும் பிரான்சு நாட்டு நடிகர்கள், தொழில்நுட்பக் கலைஞர்கள் இதில் பங்கேற்கிறார்கள்.

    அன்னை படப்பகம் தயாரிக்கிறது.

    இந்தப் படத்தில் நடிக்க, பணியாற்ற விருப்பமுள்ளவர்கள், ஆஸ்திரேலிய தமிழ்ப் பட விழாவுக்கு தங்கள் குறும்படங்களை அனுப்பலாம். விவரங்களுக்கு www.atfainc.com இணையதளத்தைப் பார்க்கவும். அனுப்ப கடைசி தேதி பிப்ரவரி 1, 2015.

    English summary
    Australian Tamil Eelan Elango is starting a new Tamil film festival called Australian Tamil Film Festival from this year 2015.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X