லாலிபப் ஏலியனுக்கா.. ரசிகர்களுக்கா.. எப்படி இருக்கு அயலான் ஃபர்ஸ்ட் லுக்?

ஏலியன் படம்

டைம் மெஷின் கதையை காமெடி கலந்து செம சுவாரஸ்யமாக சொன்ன இயக்குநர் ரவிக்குமார் இயக்கத்தில், சிவகார்த்திகேயன், ரகுல் ப்ரீத் சிங் நடிப்பில் உருவாகி வரும் அயலான் திரைப்படம், ஏலியன் சப்ஜெக்ட் படம் என்பது தற்போது வெளியாகி உள்ள ஃபர்ஸ்ட் லுக் மூலம் நூறு சதவீதம் உறுதியாகி உள்ளது.

எம்.ஜி.ஆர் படம்

ஏலியன் சப்ஜெக்டில் தமிழில் உருவாகும் இரண்டாவது படம் அயலான். இதற்கு முன்னதாக எம்.ஜி.ஆர் நடிப்பில் வெளியான கலை அரசி படம் ஏலியன் கான்செப்டில் எடுக்கப்பட்டிருந்தது. அதற்கு பிறகு, பல ஆண்டுகள் கழித்து, தற்போது சிவகார்த்திகேயன் நடிப்பில் ஏலியன் படமாக அயலான் உருவாகி இருக்கிறது.

காமெடி படமா?

சீரியஸான சயின்ஸ் ஃபிக்‌ஷன் படமாக அயலான் இருக்கும் என எதிர்பார்த்த சிவகார்த்திகேயன் ரசிகர்களுக்கு, இன்ப அதிர்ச்சி கொடுக்கும் விதமாக, ஏலியன் கையிலும், சிவகார்த்திகேயன் கையிலும் லாலி பப் இருக்கிறது. இதிலிருந்தே தெரிகிறது, இந்த படமும் இன்று நேற்று நாளை படத்தை போல சயின்ஸ் ஃபிக்‌ஷன் கலந்த காமெடி படம் என்று.

டாக்டரா? அயலானா?

சிவகார்த்திகேயனின் பிறந்த நாளை முன்னிட்டு, இன்று அவரது ரசிகர்களுக்கு டபுள் ட்ரீட் கிடைத்துள்ளது. சமூக வலைதளங்களில், டாக்டர் ஃபர்ஸ்ட் லுக்கா? அல்லது அயலான் ஃபர்ஸ் லுக்கா? எது உங்க ஃபேவரைட் ஃபர்ஸ்ட் லுக் என்ற கருத்துக் கணிப்பை ரசிகர்கள் நடத்தி வருகின்றனர்.

இதுதான் நம்ம ரூட்

பி.எஸ். மித்ரன் இயக்கத்தில் கடந்த ஆண்டு இறுதியில் ஏகப்பட்ட பில்டப்புகளுடன் வெளியான ஹீரோ திரைப்படம், படு தோல்வியை சந்தித்து, வந்த சுவடே தெரியாமல் காணாமல் போனது. இந்நிலையில், அயலான் படத்தின் ஃபர்ஸ்ட் லுக்கை பார்த்த சிவகார்த்திகேயன் ரசிகர்கள், தலைவா இதுதான் நம்ம ரூட்.. ஃபேமிலி ஆடியன்ஸ் தியேட்டரில் ஹோலி கொண்டாடுவாங்க என கமெண்ட் செய்துள்ளார்.

5 மொழிகளில்

ஏ.ஆர். ரஹ்மான் இசையில், ரவிக்குமார் இயக்கத்தில் சிவகார்த்திகேயன் நடிப்பில் உருவாகி வரும் அயலான் படம் முதன்முறையாக 5 மொழிகளில் வெளியாக உள்ளதாகவும், நிச்சயம் சிவகார்த்திகேயனுக்கு இந்த படம் மிகப்பெரிய பிளாக்பஸ்டர் படமாக அமையும் என்றும் அவரது ரசிகர்கள் கமெண்ட் செக்‌ஷனில் வாழ்த்தி வருகின்றனர்.