Bigg Boss Tamil 6 Title Winner: பிக்பாஸ் தமிழ் சீசன் 6 டைட்டிலை தட்டிச் சென்ற அசீம்.. மக்கள் நாயகன்!

டைட்டில் வின்னர் அசீம்

பிக் பாஸ் சீசன் 6ன் டைட்டில் வின்னராக அசீம் தேர்வாகி உள்ளார் என்கிற ஹாட்டான தகவல்கள் சற்று முன் லீக் ஆகி விட்டன. விக்ரமன் அல்லது அசீம் இருவரில் யார் டைட்டில் வெல்வார் என கடந்த ஒரு வாரமாக பெரும் போட்டியே நிலவி வந்த நிலையில், அசீம் அசால்ட்டாக டைட்டிலை தட்டித் தூக்கி உள்ளார்.

திருமாவளவன் சப்போர்ட்

விக்ரமனுக்கு விடுதலை சிறுத்தைகள் கட்சியின் தலைவர் திருமாவளவன் நேரடியாக சப்போர்ட் செய்ததற்கு எதிராக வனிதா விஜயகுமார் உள்ளிட்ட பலர் நேரடியாக எதிர்ப்பு தெரிவித்தனர். இது ஒரு ரியாலிட்டி ஷோ என்றும் இதில் அரசியல் கலக்கக் கூடாது என்றும் கூறி இருந்தனர்.

கன்ஃபார்ம் பண்ண கமல்

கிராண்ட் ஃபினாலே ப்ரோமோவிலேயே அதனை கன்ஃபார்ம் செய்யும் விதமாக கமல்ஹாசன் இது Biggest Entertaintment Show என உரக்கச் சொல்லி இருந்தார். கடைசி நேரத்தில் அரசியல் ரீதியான சப்போர்ட் கிடைத்த நிலையில், விக்ரமனின் அறம் வெல்லாமல் அசீமின் மக்கள் சப்போர்ட் வென்று விட்டது.

பல வாரங்கள் மறைத்து

அசீமுக்கு சோஷியல் மீடியாவில் வெளியாகும் தனியார் கருத்துக் கணிப்புகளில் தொடர்ந்து அதிக வாக்குகள் கிடைத்து முன்னிலையில் இருந்து வந்தார். ஆனால், அவரது விளையாட்டை மேலும் சிறப்பாக்க தொடர்ந்து அவரை கடைசி இடத்தில் உட்கார வைத்து நோகடித்தனர். ஆனால், கடந்த வாரம் அசீம் தான் முதலில் சேவ் ஆன நிலையிலேயே டைட்டிலை அவர் தான் வெல்வார் என்பது உறுதியாகி விட்டது.

செகண்ட் ரன்னர் அப் ஷிவின்

விக்ரமன் அல்லது ஷிவின் வெற்றி பெற வேண்டும் என அசீம் ஹேட்டர்கள் அனைவரும் சொல்லி வந்த நிலையில், ஷிவின் செகண்ட் ரன்னர் அப் ஆக வெளியேறி உள்ளார். விக்ரமன் ரன்னர் அப் ஆக இந்த பிக் பாஸ் சீசன் 6ல் வெற்றி பெறமுடியாமல் வெளியேற்றப்பட்டுள்ளார்.

50 லட்சம் பரிசுத் தொகை

பிக் பாஸ் தமிழ் சீசன் 6ல் வெற்றி பெற்ற அசீமுக்குத்தான் வெற்றிக் கோப்பை மற்றும் டைட்டில் வின்னருக்கான 50 லட்சம் ரூபாய் பரிசுத் தொகையும் கிடைத்துள்ளது என தகவல்கள் வெளியாகி உள்ளன. அசீம் வெற்றி பெற்ற சந்தோஷ தருணத்தை காண இன்றைய கிராண்ட் ஃபினாலே நிகழ்ச்சியை ரசிகர்கள் ஆவலுடன் எதிர்நோக்கி காத்திருக்கின்றனர்.