கான்களை அடுத்து சேட்டன் நடிகர்களை மிரள வைத்த பிரபாஸ்

ரூ. 50 கோடி

பாகுபலி 2 படம் ரிலீஸான 14 நாட்களில் கேரளாவில் மட்டும் ரூ. 52 கோடி வசூல் செய்துள்ளது. கேரள பாக்ஸ் ஆபீஸில் வேகமாக ரூ. 50 கோடி வசூல் செய்த படம் என்ற சாதனையை படைத்துள்ளது பாகுபலி 2.

புலிமுருகன்

மோகன்லாலின் புலிமுருகன் படத்தை அடுத்து கேரளாவில் ரூ. 50 கோடி வசூல் செய்த படம் பாகுபலி 2. புலிமுருகன் படம் ரூ.16 நாட்களில் ரூ. 50 கோடி வசூலித்தது. பாகுபலியோ 14 நாட்களில் ரூ. 50 கோடி வசூல் செய்தது.

கேரளா

பாகுபலி 2 படம் கேரளாவில் 300 தியேட்டர்களில் ரிலீஸானது. ரிலீஸாகி இரண்டு வாரங்களுக்கு மேலாகியும் தற்போதும் 300 தியேட்டர்களில் படம் ஓடிக் கொண்டிருக்கிறது.

சாதனை

விக்ரம் நடித்த ஐ படம் கேரளாவில் ரூ. 20 கோடி வசூலித்தது. ஐ தான் கேரளாவில் அதிகம் வசூல் செய்த மலையாளம் அல்லாத படம் ஆகும். அந்த சாதனையையும் பாகுபலி 2 முறியடித்துள்ளது.

விடுமுறை

பள்ளி, கல்லூரி விடுமுறை காலம் என்பதால் கேரளாவில் இதுவரை அதிகம் வசூல் செய்த படம் என்ற சாதனையை பாகுபலி 2 படைத்தாலும் ஆச்சரியப்படுவதற்கு இல்லை.