சீனா போகும் பாகுபலி 2: ஆனால் தங்கல் வசூலை...

வசூல்

பாகுபலி 2 படம் உலக அளவில் இதுவரை ரூ. 1, 684 கோடி வசூல் செய்துள்ளது. இந்நிலையில் பாகுபலி 2 படத்தை செப்டம்பர் மாதம் சீனாவில் ரிலீஸ் செய்ய திட்டமிட்டுள்ளனர்.

சீனா

சீனாவில் 4 ஆயிரம் தியேட்டர்களில் பாகுபலி 2 படம் ரிலீஸாக உள்ளது. இந்த ரிலீஸையொட்டி பிரபாஸ், அனுஷ்கா, ராஜமவுலி உள்ளிட்டோர் படத்தை விளம்பரப்படுத்த சீனா செல்கிறார்கள்.

பாகுபலி

பாகுபலி படம் சீனாவில் 6 ஆயிரம் தியேட்டர்களில் ரிலீஸானது. ஆனால் சீன ரசிகர்களுக்கு பாகுபலி படம் அவ்வளவாக பிடிக்கவில்லை. இந்நிலையில் தான் பாகுபலி 2 படம் ரிலீஸாகும் தியேட்டர்களின் எண்ணிக்கை குறைக்கப்பட்டுள்ளது.

தங்கல்

ஆமீர் கானின் தங்கல் படம் சீனாவில் 90 ஆயிரம் தியேட்டர்களில் வெளியானது. படம் சீனாவில் மட்டும் ரூ. 1000 கோடிக்கு மேல் வசூல் செய்துள்ளது. ஆனால் பாகுபலி 2 தங்கல் அளவுக்கு ஓடுமா என்ற சந்தேகத்தை பலர் எழுப்புகிறார்கள்.