லவ்வு கேட்டேன்.. நீங்கல்லாம் 'வச்சுக்கோங்க' வகை.. ஃபேன்ஸ் இல்ல ஃபேமிலி.. டிவிட்டரில் உருகும் பாலாஜி!

வில்லத்தனம்

பிக்பாஸ் வீட்டில் அவருடைய நடவடிக்கைகள் அத்தனையும் வில்லத்தனமாக இருந்தது. யாரையும் மதிக்காமல் மரியாதை கொடுக்காமல் இருந்தார். டபுள் கேம் ஆடுவது, பின்னால் பேசுவது, போட்டுக் கொடுப்பது என முழு வில்லத்தனத்தையும் இறக்கினார்.

தரக்குறைவாக பேசி

பாலாஜியின் வில்லத்தனத்தால் சக போட்டியாளர்கள் ஹீரோவாக தெரிந்தனர். என்ன பேசுகிறோம் என்று தெரியாமலேயே பல இடங்களில் வார்த்தையை விட்டார். ஆண் பெண் என்றும் பாராமல் தரக்குறைவாக பேசினார்.

மன உளைச்சல்..

காலை நீட்டுவது, கையை நீட்டுவது, வெறுப்பேற்றுவது, அடிக்கப் பாய்வது என அடுத்து என்ன செய்வாரோ, பிக்பாஸ் வீட்டில் என்ன நடக்குமோ என பார்வையாளர்களின் பிபியை எகிற செய்தார். பார்வையாளர்களை மன உளைச்சலுக்கு ஆளாக்குகிறார் பாலாஜி என்றும் குற்றச்சாட்டு எழுந்தது.

டைட்டிலுக்காக போகவில்லை

இந்நிலையில் பிக்பாஸ் சீசன் 4 நிகழ்ச்சியின் ரன்னர் அப் ஆனார் பாலாஜி. இதனை தொடர்ந்து சமூக வலைதளங்களில் தனது ரசிகர்களுக்கு நன்றி கூறினார் பாலாஜி. மேலும் தான் டைட்டிலுக்காக பிக்பாஸ் வீட்டுக்குள் செல்லவில்லை என்றும் கூறியிருந்தார்.

சரி வச்சுக்கோங்க..

இந்நிலையில் பாலாஜி முருகதாஸ் தனது டிவிட்டர் பக்கத்தில் டிவிட் ஒன்றை பதிவிட்டுள்ளார். அதில் நான் அன்பைக் கேட்டேன், நீங்கள் சரி வச்சுக்கோங்க என்றீர்கள். வேற என்ன வேணும் எனக்கு.. நீங்க எனக்கு ஃபேன்ஸ் இல்ல ஃபேமிலி என்று பதிவிட்டுள்ளார்.

லைவ் வர முடியல..

மேலும் வீடியோ ஒன்றையும் ஷேர் செய்துள்ளார் பாலாஜி. அதில் உங்க அன்புக்கு உங்க ஓட்டுக்கு எல்லாத்துக்குமே ரொம்ப நன்றி. நீங்க இல்லன்னா நான் இல்ல.. லைவ் கேட்டீங்க லைவ் வர முடியல.. இந்த ஷார்ட் வீடியோ வச்சுக்கோங்க.. லவ் யூ.. என்று வச்சுக்கோங்க என்பதை போல் சைகை காட்டுகிறார்.