நயனுக்கு திருமணம் எப்பொழுது?: சொல்கிறார் உலகக் கோப்பை வெற்றியை சரியாக கணித்த ஜோதிடர்

நயன்தாரா

டிவி நிகழ்ச்சி ஒன்றில் கலந்து கொண்ட பாலாஜி ஹாசன் தன்னிடம் நயன்தாராவின் ஜாதகம் இருப்பதாகவும் அதை வைத்து அவரின் திருமணத்தை கணித்துள்ளதாகவும் தெரிவித்தார். அவரின் கணிப்புப்படி நயன்தாராவுக்கு இந்த ஆண்டே திருமணம் நடக்குமாம். அரசியல், விளையாட்டு துறைகளில் பாலாஜி கணித்தவை அப்படியே நடந்துள்ளது. நயன்தாரா விஷயத்திலும் நடக்குமா என்பதை பொறுத்திருந்து பார்ப்போம்.

கணிப்பு

என்னிடம் இருப்பது நயன்தாராவின் உண்மையான ஜாதகம் என்று நினைக்கிறேன். அப்படி அது உண்மையான ஜாதகமாக இருந்தால் அவருக்கு இந்த ஆண்டே திருமணம் என்கிறார் பாலாஜி ஹாசன். இதை கேட்ட நயன்தாராவின் ரசிகர்கள் பெருமகிழ்ச்சி அடைந்துள்ளனர். சீக்கிரமாக நயன்தாராவை திருமணம் செய்து கொள்ளுங்கள் என்று ரசிகர்கள் இயக்குநர் விக்னேஷ் சிவனிடம் கோரிக்கை விடுத்து வந்த நிலையில் பாலாஜி இப்படி ஒரு நல்ல செய்தி தெரிவித்துள்ளார்.

விக்னேஷ் சிவன்

நயன்தாராவுக்கு இந்த ஆண்டு திருமணம் என்று தானே பாலாஜி ஹாசன் தெரிவித்துள்ளார். அது விக்னேஷ் சிவனுடன் தான் நடக்கும் என்று கூறவில்லையே என நெட்டிசன்கள் கொளுத்திப் போட்டுள்ளனர். நயன்தாராவும், விக்னேஷ் சிவனும் இந்த ஆண்டு திருமணம் செய்து கொள்வார்கள் என்று கோலிவுட்டிலும் பேச்சு அடிபடுகிறது.

மகிழ்ச்சி

நயன்தாராவின் வாழ்வில் வந்துள்ள இந்த காதலாவது திருமணத்தில் முடிய வேண்டும் என்று அவரின் தீவிர ரசிகர்கள் பிரார்த்தனை செய்து கொண்டிருக்கிறார்கள். பாலாஜி ஹாசன் சொன்னது மட்டும் நடந்துவிட்டால் அவர்கள் அடையும் மகிழ்ச்சிக்கு அளவே இருக்காது.