இப்படி ஒரு அண்ணன் கிடைக்க கொடுத்து வச்சிருக்கணும்.. பாலாவை நல்லா மோட்டிவேட் செஞ்ச ரமேஷ்!

ஷிவானி அம்மா

பிக் பாஸ் வீட்டிற்குள் பத்ர காளியாகவே மாறி ஒரு காட்டு காட்டி போயிருக்கிறார் ஷிவானியின் அம்மா. பெத்த பொண்ண இப்படியா ஒரு பப்ளிக்கான ஷோவில் அசிங்கப்படுத்துவாங்க என்று அவரை திட்டியும், சரியான கோபம் தான் என்று பாராட்டியும் ஏகப்பட்ட கமெண்ட்டுகள் குவிந்து வருகின்றன.

பாலாவின் அண்ணன்

ஷிவானியின் அம்மாவை தொடர்ந்து பாலாவின் அண்ணன் ரமேஷ் அவரை பார்க்க பிக் பாஸ் வீட்டிற்குள் வந்தார். ஷிவானியின் அம்மா திட்டி விட்டு சென்ற போது அப்படியொரு சோகத்தில் இருந்து அழுத பாலா அப்படியே அண்ணன் வந்ததும் தனது கவலைகளை மறந்து அவருடன் ஜாலியாக பேசியது ரசிகர்களை வெகுவாக கவர்ந்தது.

தம்பியை விட்டுக் கொடுக்கல

எந்த இடத்திலும் தனது தம்பி செய்தது தவறு என்றும், ஏன் அப்பா, அம்மா பத்திலாம் பேசின என்றும் ஒரு வார்த்தை கூட அதட்டி கேட்கவில்லை. நல்லா விளையாடுற, தொடர்ந்து உன் பழைய கேமை விளையாடு, இன்னும் சில வாரங்கள் தான் உள்ளன என நல்லாவே மோடிவேட் பண்ண ரமேஷ், எந்த இடத்திலும் தனது தம்பியை விட்டுக் கொடுக்கல.

காதல் பற்றி

ஷிவானியுடன் பழகுவது குறித்து லேசா பேச்சை ஆரம்பித்ததும், உனக்குத் தான் என்னை பத்தி தெரியுமே என பாலா அண்ணனை மடக்க, ஆம் நல்லா தெரியும், உனக்குத் தான் அதில் எல்லாம் ஆர்வம் இல்லையே, நீ எப்பவும் மற்றவர்களுடன் பழகுவது போல பழகி உன்னுடைய கேமை விட்டு விடாமல் விளையாடு என்றார்.

கட்டிப்பிடிக்காமல் கண்ணியமாக

பிக் பாஸ் வீட்டிற்குள் வர சான்ஸ் கிடைத்தது போகிற போக்கில் பெண் போட்டியாளர்களை கட்டிப்பிடித்து விட்டு செல்லலாம் என நினைக்காமல், மிகவும் கண்ணியமாக ஆண் போட்டியாளர்களை மட்டுமே ஹக் பண்ணி விட்டு பெண் போட்டியாளர்களுக்கு டாட்டா காட்டிவிட்டு, செம ஃபன்னாக அந்த வீட்டையே மாற்றி விட்டு ரமேஷ் கிளம்பினார்.

ஷிவானியுடன் பேசவில்லை

ஷிவானியிம் அம்மா கடைசி வரை பாலாவிடம் பேசாததை போலவே பாலாவின் அண்ணனும் ஷிவானியிடம் ஒரு வார்த்தை கூட பேசவில்லை என்பது தான் ஏன் என்றே புரியவில்லை. மற்ற ஹவுஸ்மேட்களிடம் நன்றாகவே சிரித்து பேசிவிட்டு, பாலா கலாய்த்ததையும் ரசித்து ஏற்றுக் கொண்டு செம ஸ்போர்ட்டிவாக பிக் பாஸ் வீட்டில் இருந்து வெளியேறினார்.