நெல்சன் சார் கான்சப்டை மாத்துங்க…போரடிக்குது… பீஸ்ட் டிரைலரால் கடுப்பான பேன்ஸ் !

பீஸ்ட்

பீஸ்ட் படத்தில் விஜய் வீரராகவன் ரோலில் நடித்துள்ளார். சூப்பர் மாலை தீவிரவாதிகள் ஹைஜாக் செய்து உள்ளே இருப்பவர்களை பிணைக் கைதிகளாக வைத்து மிரட்ட உள்ளே இருக்கும் விஜய் அவர்களை எப்படி காப்பாற்றுகிறார் என்பதுதான் கதை. பீஸ்ட் திரைப்படத்தை சன் பிக்சர்ஸ் நிறுவனம் தயாரித்துள்ளது. பீஸ்ட் படத்தின் படப்பிடிப்பு நிறைவடைந்ததை தொடர்ந்து படம் ஏப்ரல் 13ந் தேதி திரையரங்கில் வெளியாக உள்ளது.

செல்வராகவன் இல்லை

இத்திரைப்படத்தின் டிரைலர் வெளியானதை அடுத்து விஜய்யின் ரசிகர்கள் டிரைலரை வைரலாக்கி வருகின்றனர். இந்த படத்தில் செல்வராகவன்தான் வில்லனாக நடிப்பதாக கருதப்பட்டு வந்த நிலையில் படத்தின் டிரைலரில் செல்வராகவன் தீவிரவாதிகளுடன் அரசு சார்பில் பேச்சுவார்த்தை நடத்தும் ஒரு அதிகாரியாக நடித்திருப்பது தெரிய வந்துள்ளது.

வில்லன் யார்

இதனால் பீஸ்ட் படத்தில் வில்லனாக நடித்திருப்பது யார்? என்கிற கேள்விகள் எழுந்துள்ளது. அதோடு டிரைலரில் காண்பிக்கப்பட்ட வில்லன் முகமூடி அணிந்து இருந்ததால் அது யார் என்பதை ரசிகர்களால் தெரிந்து கொள்ள முடியவில்லை.

கொஞ்சம் கான்சப்டை மாத்துங்க

டிரைலரைப் பார்த்த ரசிகர்கள் இதுஎன்ன கூர்கா படம் போல மால் ஹைஜாக் படமாக இருக்கு என்றும், கோலமாவு கோகிலா, டாக்டர் போன்ற படத்திலும் இதே போன்று கடத்தல் கான்சப்டுத்தான் என்றும், தொடர்ந்து பீஸ்ட் படத்திலும் இதே கதையா? தொடர்ந்து இதேபோன்று கதையே இல்லாமல் நகைச்சுவையை வைத்து மட்டுமே படம் இயக்குவது எத்தனை நாளைக்கு எடுபடும் என்றும் கொஞ்சம் கான்சப்டை மாத்துங்க நெல்சன் சார் என்று ரசிகர்கள் கருத்து கூறிவருகின்றனர்.