அழகு சமந்தா…… அசத்தல் சூர்யா…

என்ன பட்டம் கொடுக்கலாம்?

அஞ்சான் படம் மூலம் சூர்யா ஒரு மாஸ் ஹீரோ அளவிற்கு உயர்ந்து விட்டார். அவருக்கு என்ன பட்டம் கொடுக்கலாம் என்று நிகழ்ச்சி தொகுப்பாளர்கள் கேட்க, என்னோட அப்பா, அம்மா வச்ச பேரு சரவணன், சினிமாவுக்காக சூர்யாவாக மாறியிருக்கிறேன். இதுவே எனக்குப் போதும் என்றார் சூர்யா.

வாரணம் ஆயிரம்

சில ஆண்டுகளுக்கு முன்பு வாரணம் ஆயிரம் படம் ரசித்து ரசித்து செய்தேன்... எத்தனை பேர் விரும்பினார்கள்? இப்போது அதை கேட்கிறார்கள். அஞ்சான் படம் ரசித்து செய்த படம். அது எதிர்பார்த்த வெற்றியைக் கொடுத்துகிறது என்றார் சூர்யா.

எங்களுக்கு வெற்றி

அஞ்சான் படம் எங்களின் எதிர்பார்ப்பை பூர்த்தி செய்திருக்கிறது. நாங்கள் யாரை குறிவைத்து படம் எடுத்தோமோ? அவர்களை படம் சென்றடைந்திருக்கிறது அது போதும் எங்களுக்கு என்றார் லிங்குசாமி.

கவர்ச்சி ஏன்?

மும்பையில் உள்ள மாடர்ன் பெண்கள் இதுபோலத்தான் உடை அணிவார்கள் என்பது சமந்தாவிற்கு தெரியும். அதுபோல உடைகளைத்தான் அவர் அணிந்து நடித்து இருக்கிறார். பாடல் காட்சிகளில் கூடுதல் கவர்ச்சி அவசியமாகிவிட்டது என்றார் லிங்குசாமி.

அழகு சமந்தா… அசத்தல் சூர்யா

சந்தோஷ் சிவன் ஒளிப்பதிவில் சமந்தாவின் அழகு மிளிர்கிறது... சூர்யாவின் ஸ்டைல் அதிகரித்துள்ளது என்றும் கூறினார் இயக்குநர் லிங்குசாமி.

நல்லாதானே இருக்கு

பேட்டியைப் பார்த்த சூட்டோடு படம் பார்க்க போன போது... தியேட்டரில் கூட்டம் நிரம்பித்தான் வழிந்தது. படம் நல்லாதானே இருக்கு? அப்புறம் ஏன் மொக்க படம்னு எல்லாரும் எழுதுறாங்க? இதைவிட மொக்க படத்துக்கெல்லாம் நல்லா விமர்சனம் எழுதியிருக்காங்களே என்று எனக்குத் தோன்றியது.