Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Automobiles டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
மெர்சலாக ஈர்த்த ஸ்ரேயா கோஷல் தான் நம்பர் ஒன்! #BestOfTamilCinema2017 #FilmibeatPolls
Recommended Video
சென்னை : கடந்த ஆண்டு தமிழ் சினிமாவில் சிறப்பான பாடல்களின் மூலம் ரசிகர்களை ஈர்த்த பாடகர்கள் யார் என நமது தளத்தின் பார்வையாளர்களிடையே ஒரு கருத்துக்கணிப்பு நடத்தினோம்.
ஒரு நாள் மட்டுமே நடைபெற்ற இந்த ஆன்லைன் கருத்துக்கணிப்பில் ஆயிரக்கணக்கானோர் கலந்துகொண்டு தங்களுக்கு விருப்பமான பாடகர்/ பாடகிக்கு வாக்களித்தனர்.
ரசிகர்களின் வாக்குகளின் அடிப்படையில் கடந்த ஆண்டின் சிறந்த பாடகியாக ஸ்ரேயா கோஷல் தேர்வு செய்யப்படுகிறார்.
சிறந்த பின்னணி பாடகர் / பாடகி
58.32% வாசகர்களின் வாக்குகளைப் பெற்று '2017-ம் ஆண்டின் சிறந்த பாடகியாக தேர்வாகி இருக்கிறார் ஸ்ரேயா கோஷல். 'போகன்' திரைப்படத்தில் 'வாராய் நீ வாராய்...' என சங்கர் மகாதேவனுடன் இணைந்து பாடி சிலிர்க்க வைத்த ஸ்ரேயா கோஷல், 'புரியாத புதிர்' படத்தின் 'மழைக்குள்ளே...' பாடலைப் பாடி ரசிகர்களை நிஜ மழையிலேயே நனைய வைத்தார்.
ஸ்ரேயா கோஷல்
'மெர்சல்' படத்தில் ஸ்ரேயா கோஷல் பாடிய 'நீதானே நீதானே' செம ஹிட் ஆல்பம் ஆனது. ரஹ்மான் இசையில் தன் குரலால் உருக்கிய ஸ்ரேயா கோஷல் ரசிகர்களைப் பெரிதும் ஈர்த்தார். மயக்கும் குரலுக்குச் சொந்தக்காரியான ஸ்ரேயா கோஷல் இந்த ஆண்டிலும் பல ஆல்பங்களுக்குப் பாடி ரசிகர்களை மகிழ்விக்க வாழ்த்துவோம்.
சித் ஶ்ரீராம்
'மெர்சல்' படத்தின் மாச்சோ பாடலின் மூலம் விவேக்கின் வரிகளை இளைஞர்களின் ட்ரெண்டிங் ஆந்தம் ஆக்கிய குரல் சித் ஶ்ரீராமினுடையது. அவருக்கு ரசிகர்கள் அளித்த வாக்கு சதவீதம் 13.57%. கடந்த ஆன்டை விட இந்த ஆண்டு '2.ஓ', 'எனை நோக்கி பாயும் தோட்டா', 'டிக் டிக் டிக்' என பல படங்களின் பாடல்களில் பட்டையைக் கிளப்பியிருக்கிறார் சித் ஶ்ரீராம்.
ஸ்வேதா மோகன்
'ப.பாண்டி' படத்தில் இடம்பெற்ற 'பார்த்தேன் களவு போன நிலவ...', 'வெண்பனி நிலவே...' ஆகிய பாடல்களின் மூலம் ரிப்பீட் மோடில் ஒலித்துக் கொண்டிருந்தது ஸ்வேதா மோகனின் குரல். 'மாச்சோ' பாடலில் ஆங்கிலமும் தமிழும் கலந்து புது ட்ரெண்டில் பாடி அசத்திய ஸ்வேதாவுக்கு வாசகர்களின் ஆதரவு 11.65%.
சங்கர் மகாதேவன்
9.55% வாசகர்களின் வாக்குகளைப் பெற்றிருக்கிறார் சங்கர் மகாதேவன். 'போகன்' படத்தில் இடம்பெற்ற 'வாராய் நீ வாராய்' தொடங்கி 'கருப்பன்' படத்தின் 'கருவா கருவா பயலே' வரைக்கும் சங்கர் மகாதேவனின் குரலுக்கே எக்கச்சக்க ஃபேன்ஸ். தனித்துத் தெரியும் குரலில் ஏற்ற இறக்கமாய், கிறக்கமாய் பாடி அசத்தும் சங்கர் மகாதேவனுக்கு ரசிகர்கள் மத்தியில் செம ரெஸ்பான்ஸ்.
சக்திஶ்ரீ கோபாலன்
கடந்த ஆண்டில் 'வேலைக்காரன்', 'அவள்' ஆகிய படங்களின் பாடல்களில் சிறப்பாக பெர்ஃபார்ம் செய்த சக்திஶ்ரீ கோபாலனுக்கு 4% வாக்குகளும், 'வனமகன்', 'சத்யா' பாடல்களின் மூலம் ரசிக்க வைத்த பென்னி தயால் 2.86% வாக்குகளும் பெற்றிருக்கிறார்கள். இந்த ஆண்டில் பாடல்களின் மூலம் ரசிகர்களைக் கவர்ந்திழுக்க அத்தனை பேரையும் வாழ்த்துவோம்.