வேலைக்கார சிறுமியை அடித்து கொடுமைப்படுத்தினேனா?: பானுப்ரியா விளக்கம்

பானுப்ரியா

பானுப்ரியாவின் வீட்டில் உள்ளவர்கள் என் மகளை கொடுமைப்படுத்துகிறார்கள். என் மகளை திருப்பி அனுப்பி வைக்குமாறு கூறினால் ரூ. 10 லட்சம் கேட்கிறார்கள். பணம் தராவிட்டால் என் மகள் ரூ. 1.5 லட்சம் மதிப்புள்ள நகைகளை திருடியதாக காவல் நிலையத்தில் புகார் அளிப்போம் என்று மிரட்டல் விடுக்கிறார்கள். அவர்களின் வீட்டில் எங்கு பார்த்தாலும் சிசிடிவி கேமரா உள்ளது. அதை பார்த்தால் உண்மை புரியும் என்று சிறுமியின் தாய் அந்த நாளிதழிடம் தெரிவித்துள்ளார்.

திருட்டு

அந்த சிறுமி எங்கள் வீட்டில் ஓராண்டுக்கு மேலாக வேலை செய்கிறார். ஐபேட், பணம், கேமரா, நகைகள் உள்ளிட்டவற்றை திருடி தனது தாயிடம் கொடுத்துள்ளார். திருடியது குறித்து கேட்டதற்கு உண்மையை ஒப்புக் கொண்டார். திருடிய பொருட்களை திருப்பிக் கொடுத்துவிட்டார்கள் என்கிறார் பானுப்ரியா.

நகை

பணம், நகைகளை எடுத்து வருகிறேன் என்று கூறிவிட்டு ஆந்திரா சென்ற அந்த சிறுமியின் தாய் பொய் புகார் கொடுத்திருக்கிறார் என்று பானுப்ரியா தெரிவித்துள்ளார். சிறுமியின் வயது குறித்து கேட்டதற்கு அவர் பதில் அளிக்க மறுத்துவிட்டார்.

குற்றம்

குழந்தை தொழிலாளர்( தடுப்பு மற்றும் ஒழுங்குமுறை) திருத்த சட்டம் 2016-படி 14 வயதிற்குட்பட்ட குழந்தைகளை பணியமர்த்தினால் 2 ஆண்டு சிறை தண்டனையும், அதிகபட்சமாக ரூ. 50 ஆயிரம் அபராதமும் விதிக்கப்படும். மேலும் குழந்தையை வேலைக்கு அனுப்பிய தாய்க்கும் தண்டனை கிடைக்கும் என்பது குறிப்பிடத்தக்கது.