Don't Miss!
- News ஷாக்கிங்! அமெரிக்கா சொன்னதையே கேட்காத இஸ்ரேல்.. உலக நாடுகளை 3ம் உலகப்போருக்கு இழுக்கும் நெதன்யாகு?
- Sports எப்பா சாமி! இப்படி யாக்கர் போட்றாரு? முஸ்தபிசுர் போனாலும் இனி கவலையில்ல.. Gleeson பவுலிங் வீடியோ
- Lifestyle ஏசி அறையில் தூங்குவதால் உங்க உடலில் என்னென்ன பிரச்சினைகள் வரலாம் தெரியுமா? ஏசி ரூம்ல இப்படி தூங்காதீங்க...!
- Technology ஆஹா.. கொடுத்துவச்சவங்கயா Jio பயனர்கள்.. கிள்ளிக்கொடுக்காம அள்ளிக்கொடுக்கும் அம்பானி.. பெஸ்ட் பிளான்ஸ்..
- Finance 4.54 பில்லியன் வருட பழைய பொக்கிஷம்.. உள்ளிருந்து வந்த உஸ்ஸ் சத்தம்.. திறந்து பார்த்தவர்களுக்கு ஷாக்
- Automobiles நீச்சல் உடையில் வந்து பஸ் பயணிகளை கிறங்கடித்த பெண்... ஓட்டு போட்ற வயசு வந்தவங்க மட்டும் வீடியோவை பாருங்க...
- Travel திருப்பதி பெருமாளை தரிசிக்க வேண்டுமா – ஏப்ரல் 24 ஆம் தேதி டிக்கெட் புக் பண்ண மறந்துடாதீங்க!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ஜே.கே.ரித்தீஷ் திடீர் மரணம்... விஷால், பாரதிராஜா உள்பட தமிழ் திரையுலகினர் இரங்கல்!
ஜே.கே.ரித்தீஷ் மறைவிற்கு பலரும் இரங்கல் தெரிவித்து வருகின்றனர்.
Recommended Video
சென்னை: ஜே.கே.ரித்தீஷ் மறைவிற்கு தமிழ் திரையுலகினர் இரங்கல் தெரிவித்து வருகின்றனர்.
சின்னி ஜெயந்த் இயக்கிய கானல் நீர் படம் மூலம் நடிகராக அறிமுகமானவர் ஜே.கே.ரித்தீஷ். நாயகன், பெண் சிங்கம், எல்.கே.ஜி. ஆகிய படங்களில் அவர் நடித்திருக்கிறார்.
தீவிர அரசியல் ஈடுபட்ட வந்த ரித்தீஷ், ராமநாதபுரம் நாடாளுமன்ற தொகுதியில் இருந்து திமுக சார்பில் தேர்ந்தெடுக்கப்பட்டார். அதன் பிறகு கட்சி மாறி தற்போது அதிமுகவில் இணைந்து செயல்பட்டு வருகிறார்.
திடீர் மரணம்
இன்று காலை அதிமுக வேட்பாளருக்கு ஆதரவாக பிரச்சாரம் செய்த ரித்தீஷ், மதியம் வீட்டிற்கு வந்த பிறகு நெஞ்சு வலியால் அவதிப்பட்டார். இதையடுத்து அவரை மருத்துவமனைக்கு அழைத்து சென்றனர். அங்கு அவர் இறந்துவிட்டதாக அறிவிக்கப்பட்டது.
|
விஷால் இரங்கல்
ஜே.கே.ரித்தீஷின் மறைவிற்கு திரைத்துறையினர் இரங்கல் தெரிவித்து வருகின்றனர். ரித்தீஷ் மரண செய்தியை தன்னால் நம்ப முடியவில்லை என்று நடிகர் விஷால் தெரிவித்துள்ளார். இதுகுறித்து அவர் தனது டிவிட்டர் பக்கத்தில், "வாழ்க்கையில் எதையும் கணிக்க முடியாது. ரித்தீஷ் மரண செய்தியை என்னால் நம்ப முடியவில்லை. நடிகர் சங்க தேர்தல் முதல் அவரை எனக்கு நன்கு தெரியும். அவரது மனைவிக்கும், குழந்தைகளுக்கும் எனது ஆழ்ந்த இரங்கலை தெரிவித்து கொள்கிறேன்", என அவர் கூறியுள்ளார்.
இயக்குனர் பாரதிராஜா இரங்கல்
"ஜே கே ரித்தீஷ் மறைவால் தவிக்கும் அவரின் குடும்பத்தாருக்கு எனது ஆழ்ந்த இரங்கலை தெரிவித்துக்கொள்கிறேன். அவரின் மறைவு தமிழ் சினிமாவிற்கு பெரும் இழப்பாக கருதுகிறேன்", என இயக்குனர் பாரதிராஜா தெரிவித்துள்ளார்.
|
கஸ்தூரி இரங்கல்
"ரித்தீஷ் மரணம் அடைந்தார் என்று நம்பவே முடியவில்லை. மிக பெரிய அதிர்ச்சி . சிறிது நாட்களுக்கு முன்னர் கூட அவருடன் உரையாடிக்கொண்டிருந்தேனே ! ஐயோ கடவுளே! போற வயசே இல்லை. மனுஷனுக்கு கட்டம் வைச்ச கணக்கு என்னான்னு புரியவேயில்லை", என நடிகர் கஸ்தூரி தனது டிவிட்டர் பக்கத்தில் இரங்கல் தெரிவித்துள்ளார்.
|
ஆர்.ஜே.பாலாஜி இரங்கல்
"ரித்தீஷின் மரண செய்தியை கேட்டு அதிர்ச்சி அடைந்தேன். அதை என்னால் நம்ப முடியவில்லை. அவருக்கு வயது 46 தான். மிக விரைவில் அவர் சென்றுவிட்டார். எனக்கு அவர் சகோதரர் போன்றனர். நிறைய பேருக்கு உதவி செய்து, அவர்களுடைய வாழ்க்கையை மாற்றியிருக்கிறார். இந்த வலியை உணர்த்த வார்த்தைகள் இல்லை", என நடிகர் ஆர்ஜே பாலாஜி கூறியுள்ளார்.
பலரும் இரங்கல்
இதேபோன்று நடிகை வரலட்சுமி, தயாரிப்பாளர் தனஞ்செயன் உள்ளிட்ட பலரும் ரித்தீஷின் மறைவிற்கு இரங்கல் தெரிவித்து வருகின்றனர். நடிகர் சங்கம் சார்பிலும் இரங்கல் தெரிவிக்கப்பட்டுள்ளது.