பாவனாவின் சர்ப்ரைஸ் என்ட்ரி.. பாகுபலி எஃபெக்ட்டால் அதிர்ந்த சர்வதேச திரைப்பட விழா.. வெல்கம் பேக்!

மீண்டும் மலையாளப் படத்தில்

நடிகை பாவனா கடந்த 2017ம் ஆண்டு கடைசியாக ஆதம் ஜான் என்கிற படத்தில் நடித்திருந்தார். அதன் பிறகு ஏற்பட்ட சில கசப்பான சம்பவங்கள் காரணமாக மலையாள படங்களில் நடிப்பதில் இருந்து முற்றிலுமாக விலகினார் பாவனா. பாவனாவுக்கு ஆதரவாக தொடர்ந்து மலையாள திரையுலகின் முன்னணி நடிகர்கள் குரல் எழுப்பிய நிலையில், தற்போது மீண்டும் மலையாள படம் ஒன்றில் நடிக்கப் போகிறேன் என அறிவித்துள்ளார். 'Ntikkakkakkoru Premondarnn' என அந்த படத்திற்கு டைட்டில் வைக்கப்பட்டு இருக்கிறது.

சர்ப்ரைஸ் என்ட்ரி

மார்ச் 18ம் தேதி கேரளாவில் தொடங்கிய IFFK (International Film Festival Kerala) எனும் கேரளாவின் சர்வதேச திரைப்பட விழா தொடங்கியது. இதில், பாலிவுட் இயக்குநர் அனுராக் காஷ்யப் உள்ளிட்ட பிரபலங்கள் கலந்து கொண்டனர். ஆனால், நிகழ்ச்சி நிரலில் பாவனாவின் பெயரே இல்லாத நிலையில், சர்ப்ரைஸ் என்ட்ரியாக உள்ளே நுழைய ரசிகர்கள் ஆரவாரம் செய்தனர்.

பாகுபலி எஃபெக்ட்

பாகுபலி படத்தில் நடிகர் பிரபாஸ் தளபதியாக பதவியேற்கும் போது ஒட்டுமொத்த மக்களும், படைகளும் செய்யும் முழக்கத்தால் திரையரங்குகள் மொத்தமே அதிர்ந்தது போல பாவனாவின் சர்ப்ரைஸ் என்ட்ரியின் போது ரசிகர்கள் இடைவிடாமல் கரவொலியை எழுப்பி பாவனாவை வெல்கம் செய்திருந்தினர்.

ரோல் மாடல் நீங்க

நிகழ்ச்சியில் கலந்து கொண்டு குத்து விளக்கேற்றி நடிகை பாவனா தொடங்கி வைத்த நிலையில், கேரளாவின் கலாசாரத் துறை அமைச்சர் ஷாஜி செரியன் பாவானாவை பாராட்டி பேசியிருந்தார். "கேரளாவின் ரோல் மாடல் நீங்க" என அவர் பாராட்டியதற்கு பாவனா நன்றி தெரிவித்தார். மேலும், ரசிகர்கள் மற்றும் பிரபலங்கள் தந்த பேராதரவு வீடியோவை தனது இன்ஸ்டாகிராமில் ஷேர் செய்த பாவனா வெல்கம் பேக் பாவனா என பதிவிட்டு டிரெண்டாக்கியுள்ளார்.