மெகா பிரேக்கிங்.. அருவா படத்தில் சூர்யாவுக்கு ஜோடி இவர் தான்.. பூஜாவும் இல்லை.. ராஷ்மிகாவும் இல்லை!

சூர்யாவின் அருவா

இந்த கொரோனா கலவரம் இல்லையென்றால், கடந்த மாதம் ஷூட்டிங் தொடங்கி, வரும் தீபாவளிக்கு அருவாவை படையலாக போட்டிருப்பார் நடிகர் சூர்யா. ஹரி இயக்கத்தில் வேல், சிங்கம் 1,2,3 என பல சூப்பர் ஹிட் படங்களில் நடித்துள்ள சூர்யா மீண்டும் அவருடன் இணைந்துள்ள படம் தான் அருவா.

பூஜா ஹெக்டே

அருவா படத்தின் அறிவிப்பு வெளியானதில் இருந்து அந்த படத்தில் சூர்யாவுக்கு ஜோடி யார் என்பது தான் மில்லியன் டாலர் கேள்வியாக ரசிகர்கள் மத்தியில் எழுந்து நின்றது. ஆனால், படக்குழு சார்பில் இதுவரை அதனை அறிவிக்கவில்லை. அலா வைகுந்தபுறமுலோ படத்தின் வெற்றியைத் தொடர்ந்து பூஜா ஹெக்டே தான் ஜோடி என்ற தகவலும் வைரலாக பரவியது.

நான் இல்லை

ஆனால், சூர்யாவின் அருவா படத்தில் தான் ஒப்பந்தமாகவில்லை என்றும், இரண்டு தமிழ் படங்களில் நடிப்பது குறித்து ஆலோசனை நடைபெறுவதாகவும், ஆனால், எதுவும் இதுவரை உறுதி செய்யப்படவில்லை என நடிகை பூஜா ஹெக்டே அருவா படத்தில் தான் நடிக்கவில்லை என்பதை ரசிகர்களுக்கு தெரிவித்திருந்தார்.

ராஷ்மிகா மந்தனா

பூஜா ஹெக்டே போனால் என்ன இருக்கவே இருக்காங்க நம்ம ராஷ்மிகா மந்தனா, ஏற்கனவே தம்பி கார்த்தி படத்தில் அவருக்கு ஜோடியாக சுல்தான் படத்தில் நடிச்சுட்டு வராங்க, அவங்க தான் நம்ம ஹீரோ சூர்யாவுக்கு ஜோடி என ரசிகர்கள் நினைத்து வந்தனர். ஆனால், அதுகுறித்தும் படக்குழு எந்தவொரு அறிவிப்பையும் வெளிப்படுத்த வில்லை.

அருவா ஹீரோயின்

இந்நிலையில், #askraashiவில் தனது ரசிகர்களுக்கு பதில் அளித்து வந்த நடிகை ராஷி கன்னா, அந்த மெகா பிரேக்கிங்கை சத்தமில்லாமல் ஓப்பன் செய்து விட்டார். ஒருவேளை இதனை அறிவிக்கத் தான் இந்த கேள்வி, பதில் செஷனே நடத்தப்பட்டதா? என்பதும் ரசிகர்கள் மத்தியில் சந்தேகமாகவே இருக்கிறது.

சூர்யா ரசிகர்கள் வாழ்த்துக்கள்

இமைக்கா நொடிகள் படத்தின் மூலம் தமிழ் சினிமாவுக்கு அறிமுகமான ராஷி கன்னா, தொடர்ந்து ஜெயம் ரவியின் அடங்கமறு, விஷாலின் அயோக்யா, விஜய்சேதுபதியின் சங்கத்தமிழன் உள்ளிட்ட படங்களில் நடித்துள்ளார். தெலுங்கிலும் படு பிசியாக நடித்து வரும் ராஷி கன்னாவுக்கு சூர்யாவுடன் நடிக்கும் ராஜயோகம் கிடைத்ததை அவரது ரசிகர்கள் வாழ்த்தியும் பாராட்டியும் வருகின்றனர்.