அடப்பாவிங்களா.. அப்பாவை போய் மாமாவா மாத்திட்டீங்களே.. நரப்பாவில் நடந்த பெரிய மிஸ்டேக்!

தனுஷின் அசுரன்

இயக்குநர் வெற்றிமாறன் இயக்கத்தில் தனுஷ், மஞ்சு வாரியர், பசுபதி, பிரகாஷ் ராஜ் உள்ளிட்ட பிரபலங்கள் நடிப்பில் வெளியான படம் அசுரன். அந்த படத்தில் சிறந்த நடிப்பை வெளிப்படுத்தியதற்காக நடிகர் தனுஷுக்கு தேசிய விருது அறிவிக்கப்பட்டுள்ளது.

நரப்பா

அசுரன் படத்தை பல மொழிகளிலும் ரீமேக் செய்ய பலரும் போட்டி போட்டு ரீமேக் உரிமைகளை பெற்றுள்ளனர். தெலுங்கில் நடிகர் வெங்கடேஷ் அசுரன் பட ரீமேக்கான நரப்பாவில் நடித்துள்ளார். அந்த படம் அமேசான் பிரைமில் நேற்று வெளியாகி சக்கைப் போடு போட்டு வருகிறது.

யார் சூப்பர்

நடிகர் தனுஷின் நடிப்பு சூப்பரா? அல்லது நரப்பாவாக மாறியுள்ள வெங்கி மாமாவின் நடிப்பு சூப்பரா என தனுஷ் மற்றும் வெங்கடேஷ் ரசிகர்கள் மத்தியில் சமூக வலைதளங்களில் கடும் விவாதங்கள் நடைபெற்று வருகின்றன. டோலிவுட் ரசிகர்கள் இது ஒரு நேர்மையான நல்ல ரீமேக் என்றே கொண்டாடி வருகின்றனர்.

சப்டைட்டில் பிழை

இந்நிலையில், நரப்பா படத்தின் சப்டைட்டிலில் ஒரு பெரிய மிஸ்டேக் இருப்பதை நெட்டிசன்கள் நோட் பண்ணி அமேசான் பிரைமிற்கு அறிவுறுத்தும் வகையில் போட்டுள்ள ட்வீட் ஒன்று வைரலாகி வருகிறது. மகனை காப்பாற்ற போராடும் தந்தையின் கதையில் அப்பா - மகன் உறவையே அமேசான் பிரைம் மாற்றியிருப்பது அனைவரையும் அதிர்ச்சியில் ஆழ்த்தி உள்ளது.

அப்பாவ போய்

"Uncle I want Coconut chocolate" என சப்டைட்டிலில் மிகப்பெரிய பிழை கண்டுபிடிக்கப்பட்டு இருக்கிறது. அப்பா என்று அழைக்க வேண்டிய இடத்தில் அங்கிள் என போட்டு முறையையும் கதையையும் மாற்றி விட்டதே அமேசான் பிரைம் என டோலிவுட் ரசிகர்கள் ட்ரோல் செய்து வருகின்றனர்.