அச்சு அசலாய் எம்ஜிஆர்....வேற லெவல் மேக்அப்பில் கலக்கிய 'மொட்ட தாத்தா'

மீண்டும் சினிமாவில் சுரேஷ்

பிக்பாஸ் நிகழ்ச்சி மூலம் புகழ்மட்டுமல்ல மீண்டும் சினிமாவில் நடிக்கும் வாய்ப்பு சுரேஷ் சக்கரவர்த்திக்கு கிடைத்துள்ளது. பல படங்களில் நடித்து வரும் சுரேஷ், சோஷியல் மீடியாவிலும் படு ஆக்டிவாக இருந்து வருகிறார்.

எம்ஜிஆர் வேடத்தில் சுரேஷ்

இதற்கிடையில் விஜய் டிவி.,யில் நடைபெற்று வரும் பிக்பாஸ் ஜோடிகள் நிகழ்ச்சியிலும் சுரேஷ் சக்கரவர்த்தி கலந்து கொண்டுள்ளார். மற்ற போட்டியாளர்கள் பிற சினிமா கேரக்டர்களை போன்று மேக்அப் போட்டுக் கொண்ட சுற்றில், சுரேஷ் எம்ஜிஆர் வேடத்தை தேர்வு செய்தார்.

வைரலாகும் ஃபோட்டோ

வனிதா விஜயக்குமாரும் ஷாரிக்கும் சுரேஷுடன் எடுத்துக் கொண்ட ஃபோட்டோ, சமூக வலைதளங்களில் வெளியாகி, வைரலாகி வருகிறது. சுரேஷிற்கு போடப்பட்டுள்ள மேக்அப் அச்சு அசலாய் எம்ஜிஆர்.,ஐ போல் உள்ளதைக் கண்டு பலரும் பிரம்மிச்சு போய் உள்ளனர்.

வனிதா விஜயக்குமார் பகிர்ந்த ஃபோட்டோ

இந்த எபிசோட் விரைவில் டிவி.,யில் ஒளிபரப்பாகும் என எதிர்பார்க்கப்படுகிறது. வனிதா விஜயக்குமார் தனது இன்ஸ்டாகிராம் பக்கத்தில் இந்த ஃபோட்டோக்களை வெளியிட்டுள்ளார். இவை தற்போது லைக்குகளை குவித்து வருகிறது.