Don't Miss!
- Lifestyle சப்பாத்திக்கு ஒருடைம் உருளைக்கிழங்கு வெச்சு இப்படி கிரேவி செஞ்சு பாருங்க.. டேஸ்ட் சும்மா அள்ளும்...
- Sports அடுத்தடுத்த வீழ்ந்த 2 வீரர்கள்.. சிஎஸ்கே பேட்டிங் வரிசையில் நடந்த மாற்றம்.. ஜடேஜா கொடுத்த சர்ப்ரைஸ்!
- News தமிழகத்தில் 72% வாக்குப்பதிவு! 2019இல் தேர்தலில் பதிவான வாக்குகள் எவ்வளவு - தொகுதி வாரியான விவரம்
- Technology ஆத்தாடி.. ஒரே போனை வைத்து.. இந்தியாவில் சம்பவம் செய்ய பார்க்கும் Samsung.. பட்ஜெட்ல அறிமுகமாகும் புது Mobile..
- Finance தூத்துக்குடி நிறுவனத்தை அலேக்கா வாங்கிய அதானி.. மாஸ்டர் பிளான் உடன் களமிறங்கிய கௌதம் அதானி..!!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
மஹத் இப்படி கெட்டப்பெயர் வாங்க சிம்பு தான் காரணமா?
கெட்டப் பெயருடன் பிக் பாஸ் வீட்டில் இருந்து கிளம்பியுள்ளார் மஹத்.
Recommended Video
சென்னை: பிக் பாஸ் வீட்டில் இருந்து கெட்டப் பெயருடன் வெளியேறியுள்ளார் மஹத்.
பிக் பாஸ் வீடு என்பது கத்தி போன்றது. அதனை அறுவைச் சிகிச்சைக்கு பயன்படுத்துகிறார்களா இல்லை கொலை செய்யப் பயன்படுத்துகிறார்களா என்பது போட்டியாளர்களின் கையில் தான் இருக்கிறது.
கடந்த சீசனில் பிக் பாஸ் வீட்டை நல்லபடியாகப் பயன்படுத்தி, வெளியில் வந்ததும் அதனை தங்களுக்கு சாதகமாகப் பயன்படுத்திக் கொண்டவர்கள் ஏராளம். ஓவியா, ஆரவ், ஹரீஷ், பிந்து மாதவி, ரைசா என இதற்கு உதாரணம் பல.
ஆனால், பிக் பாஸ் வீட்டில் தங்களது மோசமானப் பக்கத்தைக் காட்டி இன்றளவும் மக்களிடையே எதிர்ப்பை சந்தித்து வருபவர்களும் உண்டு. இதற்கு யார் யாரெல்லாம் உதாரணம் என நாம் சொல்லாமலேயே மக்களுக்குத் தெரியும்.
சர்ச்சைகள்:
அந்தவகையில், இந்த சீசனில் பிக் பாஸ் வீட்டில் நல்ல பெயரைச் சம்பாதித்து வருபவர்கள் ரித்விகா, மும்தாஜ் மற்றும் செண்ட்ராயன் மட்டுமே. மற்றவர்கள் அனைவரும் ஏதாவது ஒரு சர்ச்சையிலாவது சிக்கி கெட்டப் பெயரைப் பெற்றுள்ளனர். அவர்களில் முக்கியமானவர்கள் மஹத்தும், பாலாஜியும்.
வெளியேற்றம்:
ஆனால், கிடைத்த அனுபவங்களில் இருந்து பாடம் படித்துக் கொண்ட பாலாஜி தற்போது அமைதி காத்து வருகிறார். ஆனால், கழுதை தேய்ந்து கட்டெறும்பு ஆன கதையாக கெட்டப் பெயரை சம்பாதித்து, இன்று பிக் பாஸ் வீட்டில் இருந்து வெளியேறியுள்ளார் மஹத்.
காதல்:
பிக் பாஸ் வீட்டில் அவர் முரட்டுத் தனமாக, கோபமாக நடந்து கொண்டதால் மக்களிடையே பெரும் வெறுப்புணர்வைச் சம்பாதித்துள்ளார். யாஷிகாவுடன் அவருக்கு ஏற்பட்ட காதலால், அவருக்காக வெளியில் காத்திருந்த காதலையும் அவர் இழந்துள்ளார்.
காணாமல் போன நல்லபெயர்:
ஆரம்பத்தில் அவர் சமையல் செய்தது உட்பட பல வேலைகளில் அவர் காட்டிய ஈடுபாடு காரணமாக பிக் பாஸ் போட்டியாளர்களிடம் பாராட்டுகளை அவர் பெற்றார். ஆனால் வீட்டை விட்டு வெளியேறிய போது, அந்த நல்ல பெயர் அவரிடம் இல்லை. போட்டியாளர்களிடம் கெட்டப் பெயரை தான் சம்பாதித்திருந்தார்.
சிம்பு தான் காரணம்:
இந்நிலையில், கடைசியாக பிக் பாஸ் மேடையில் கமலுடன் பேசிய மஹத், தான் பிக் பாஸ் நிகழ்ச்சிக்கு வர முக்கியக் காரணமே நடிகர் சிம்பு தான் எனத் தெரிவித்தார். ஒருவேளை பிக் பாஸ் வீட்டிற்கு வராவிட்டால் அவர் இந்தளவிற்கு மக்களிடம் வெறுப்பையும், கெட்டப் பெயரையும் சம்பாதித்திருக்க மாட்டார்.
சிம்புவுக்கு கெட்டப் பெயர்:
அவருக்கு நல்லது செய்வதாக நினைத்து, பிக் பாஸ் வீட்டிற்கு மஹத்தை அனுப்பினார் சிம்பு. ஆனால், நடந்த கதையோ வேறு. அடிக்கடி சிம்பு பெயரை இழுத்து அவருக்கு அவப்பெயர் ஏற்படும் வகையில் நடந்து கொண்டார் மஹத். அதோடு தனக்கு கிடைத்த வாய்ப்பையும் அவர் சரிவரப் பயன்படுத்திக் கொள்ளவில்லை என்றே கூறலாம்.