பிக் பாஸ் 3:இனி ‘அங்க’ உட்காந்து யாரும் ஒப்பாரி வைக்க முடியாது.. மருத்துவ முத்தத்துக்கும் நோ சான்ஸ்

புறணி பேசும் அறை:

இதனால் பெரும்பாலும் புகை பிடிக்கும் அறை ஒரு சில போட்டியாளர்களுக்கு புறணி பேசுவதற்கும், அழுது புலம்புவதற்கும் ஏற்ற இடமாக மாறியது. மற்ற போட்டியாளர்களுக்குத் தெரியாமல் அந்த அறைக்குள் புகுந்து கொண்டு அவர்கள் அழுது புலம்பினர். குறிப்பாக கடந்த சீசனில் ஐஸ்வர்யா, யாஷிகாவின் முக்கிய புறணி பேசும் இடமாக அது இருந்தது.

ரொமான்ஸ்:

இதே போல், முதல் சீசனில் ஆரவ், ஓவியாவிற்கு இந்த அறையில் வைத்து தான் மருத்துவ முத்தம் கொடுத்ததாகவும் கூறப்பட்டது. அந்த அறையில் ஒரு கேமரா இருந்தது நினைவுக்கூரத்தக்கது. இதனால் காதல் ஜோடிகளின் ரகசிய சந்திப்பு இடமாகவும் அது இருந்தது.

அமைப்பு மாற்றம்:

ஆனால், இம்முறை புகைப் பிடிக்கும் அறையில் மேற்கூறியவாறெல்லாம் செய்ய முடியாது. பிக் பாஸ் அதற்கும் செக் வைத்து விட்டார். இம்முறை, புகை பிடிக்கும் அறையை சிறிய புகை போக்கி போன்ற வடிவில் உருவாக்கியுள்ளனர். பழங்கால முறையில் அமைக்கப்பட்டுள்ள அந்த அறைக்கு கீழே குனிந்து தான் செல்ல வேண்டும்.

புகை சூழ் அறை:

அதே போல், ஒரே சமயத்தில் அந்த அறைக்குள் இருவர் நிற்பதே கஷ்டம் தான். மேலும் புகையும் கீழ்ப்புறம் தான் வெளியேறும் என்பதால், நீண்ட நேரம் அதற்குள் போட்டியாளர்கள் நிற்க இயலாது. வேகவேகமாக போன வேலையை முடித்துக் கொண்டு கிளம்பத்தான் நேரம் சரியாக இருக்கும்.

எல்லாம் நன்மைக்கே:

பிக் பாஸின் இந்த முயற்சி நிச்சயம் பாராட்டப்பட வேண்டியது தான். ஏனெனில் இப்படியான நெருக்கடியான சூழலில் புகைப் பிடிக்க இயலாமல், 100 நாட்கள் அங்கேயே தங்கி இருக்கும் போட்டியாளர்கள் சிலர் மனம் மாறி புகைப் பிடிக்கும் பழக்கத்தில் இருந்து விடுபடவும் வாய்ப்புகள் அதிகம். பிக் பாஸ் அதனை யோசித்து தான் இப்படி ஒரு அமைப்பை வைத்திருப்பார் என நம்புவோம். நம்பிக்கைத்தானே வாழ்க்கை பாஸ்.