பிக் பாஸ் 3 : அபிராமி காதல் விவகாரம்.. கவினை ‘பீப்’ வார்த்தையால் திட்டிய நடிகர்.. ஏன் தெரியுமா?

அபிராமி விவகாரம்

அபிராமி விவகாரத்தில் ஆரவ், மஹத் போல் இல்லாமல் கவின் நிதானமாக, சாமர்த்தியமாக நடந்து கொள்வதாகவும் அவர்கள் பாராட்டி வருகின்றனர். தனது ஜாலியான பேச்சால் மக்களிடம் கவினுக்கு நல்ல ஆதரவு கிடைத்து வருகிறது.

பிரதீப் ஆண்டனி

இந்நிலையில், கவினின் நெருங்கிய நண்பரும், நடிகருமான பிரதீப் ஆண்டனி தனது பேஸ்புக் பக்கத்தில் கவினை திட்டி பதிவு ஒன்றை வெளியிட்டார். அதில் அவர், ‘யாரும் கவினிற்கு ஓட்டு போடவேண்டாம் அவனை வெளியே கொண்டு வாங்க' என கோரிக்கை விடுத்திருந்தார். கூடவே சில கெட்ட வார்த்தைகளையும் அவர் பயன்படுத்தி இருந்தார்.

அவசரமாக நீக்கம்

இந்த பதிவு பெரிய அளவில் வைரலாகியுள்ளது. பலரும் இது குறித்து விவாதிக்கத் தொடங்கியதை அடுத்து, அவசர அவசரமாக அந்தப் பதிவை ஆண்டனி நீக்கிவிட்டார். அருவி படத்தில் "பீட்டர்" என்ற கதாபாத்திரத்தில் நடித்து பிரபலமானவர் தான் ஆண்டனி என்பது குறிப்பிடத்தக்கது.

ஏன் இந்த பதிவு?

ஆண்டனி ஏன் இப்படி ஒரு பதிவை வெளியிட்டார் என்பது குறித்த தகவல்கள் இல்லை. ஆனால், கமெண்டில் சில நண்பர்கள், ‘புலவர்களுக்குள் போட்டி இருக்கலாம். பொறாமை இருக்கக் கூடாது' எனப் பதிவிட்டுள்ளனர். இதன் மூலம் விளையாட்டிற்காக அப்படி ஒரு பதிவை அவர் வெளியிட்டாரா அல்லது நிஜமாகவே கோபமாக வெளியிட்டாரா என்பது தெரியவில்லை. இந்த வாரம் பிக் பாஸ் வீட்டில் எலிமினேசன் எதுவும் இருக்காது என கூறியுள்ள நிலையில், ஆண்டனியின் இந்தப் பதிவு பரபரப்பை ஏற்படுத்தியுள்ளது.