“கிட்னியை வித்தாவது காசு தர்றேன்.. ப்ளீஸ் மீராவை வெளியே அனுப்பிடுங்க”.. பிரபல நடிகர் ஆவேசம்

மீராவின் புகார்கள்:

அதோடு, மீரா இதற்கு முன் செய்த பல பிரச்சினைகளையும் வீடியோவாகவும், புகைப்படங்களாகவும் நெட்டிசன்கள் வெளியிட்டு வருகின்றனர். பிக் பாஸ் வீட்டில் இருந்து மீராவை வெளியேற்றும்படியும் அவர்கள் கூறி வருகின்றனர். ஏற்கனவே மீரா கூறிய பாலியல் புகார்களும் வைரலாகி இருக்கிறது.

ப்ளீஸ் விஜய் டிவி:

இந்நிலையில் நடிகரும் பிரபல நடன இயக்குநருமான சதீஷும் மீராவை வெளியேற்றும்படி ஒரு டிவீட் வெளியிட்டுள்ளார். விஜய் டிவி வெளியிட்டுள்ள புரொமோ வீடியோவிற்கு கமென்ட்டாக அந்தப் பதிவை அவர் வெளியிட்டுள்ளார். அதில் அவர், ‘மீராவை வெளியே கொண்டு வாங்க. எவ்ளோ செலவானாலும் நான் என் கிட்னிய விற்கிறேன்' என்று சதீஷ் தெரிவித்துள்ளார்.

பிரான்ஸ் ரசிகர்:

சதீஷின் இந்த டிவீட்டிற்கு பலரும் ஆதரவாக பதில் டிவீட் வெளியிட்டு வருகின்றனர். அதில் இவர், ‘நான் பிரான்ஸ்ல இருக்கேன் ப்ரோ. இந்தியா வந்ததும் என் கிட்னியைக் கூட தர்றேன். ப்ளீஸ் மீராவை வெளியே அனுப்பச் சொல்லுங்க' எனப் பதிவிட்டுள்ளார்.

குறையும் ஆதரவு:

சதீஷை சிலர் வைல்ட் கார்ட் எண்ட்ரியாக உள்ளே போங்க எனக் கூறுகின்றனர். இந்த நெட்டிசனோ ஷாம்பூவில் கூட தனக்கு பிடிக்காதது மீரா ஷாம்பூ தான் என கிண்டலாக பதிவிட்டுள்ளார். சேரனுடனான மோதலால் மீராவுக்கு மக்களிடையே நாளுக்கு நாள் ஆதரவு குறைந்து வருவதையே இது காட்டுகிறது.