ரோம் பத்தி எரிஞ்சப்ப நீரோ பிடில் வாசிச்சாராம்.. உங்களைப் பார்த்தா இந்தக் கதைதான் ஞாபகம் வருது வனிதா!

எதிர்பார்ப்பு:

இவை அனைத்தும் ஊடகங்கள் மூலம் மக்களுக்கு தெரிந்த விசயம் தான். சரி பிக் பாஸ் இது பற்றிய காட்சிகளை நேற்றைய எபிசோட்டில் காட்டுவார் என மக்கள் பெரிதும் எதிர்பார்த்தனர். ஆனால், ஏதோ ஜஸ்ட் எறும்பு கடிச்ச மொமண்ட் மாதிரி, இந்த சம்பவத்தை சில நிமிடங்கள் மட்டுமே காட்டினார்கள். அதுவும், வனிதா கன்பெக்சன் ரூமுக்குப் போவது, பின் ரேஷ்மாவிடம் பேசுவது என இரண்டே காட்சிகள் மட்டும் தான்.

ஆச்சர்யம்:

பிரச்சினை என்ற போது தோழி ரேஷ்மாவிடம் அதனைப் பகிர்ந்து கொண்ட வனிதா, அது தீர்ந்து விட்டது என்ற சந்தோசத்தை எப்படிக் கூறாமல் இருந்திருப்பார். ஆனால், அது எது பற்றியும் நிகழ்ச்சியில் காட்டாதது மக்களுக்கு பெருத்த ஏமாற்றமே. சரி, அதைத் தான் காட்டவில்லை, தன்னைப் போலீஸ் கைது செய்ய வந்திருக்கிறது என்ற பயம்கூட வனிதா முகத்தில் இல்லை. இதுதான் ஆச்சர்யத்திலும் பெரிய ஆச்சர்யம்.

கவலையே இல்லை:

வெளியில் தன் மகள் பற்றிய பிரச்சினை போய்க் கொண்டிருக்கிறது என்றால், ஒரு தாய் இப்படியா ரியாக்ட் செய்வார். ஒரு தவிப்புடன், சோகமாக இருக்க வேண்டாமா. எங்கே நாம் உள்ளே இருக்கும் இந்த வேளையில் தன் மகளை இரண்டாவது கணவர் ஆனந்தராஜ் அழைத்துச் சென்று விடுவாரோ என்ற கவலை கொஞ்சம்கூட அவர் முகத்தில் இல்லை.

சண்டைக்கோழி வனிதா:

வழக்கம் போல், யாருடன் சண்டை போடலாம் என சண்டைக்கோழியாகத் தான் வீட்டில் வலம் வந்தார் வனிதா. சும்மா இருந்த சேரனை தேவையில்லாமல், வம்புக்கு இழுத்து சண்டை போட்டார். பின் ஆண் போட்டியாளர்களின் பெர்பாமன்சையும் பார்த்து விழுந்து விழுந்து சிரித்தார். இதெல்லாம் பார்ப்பதற்கு நெருடலாகவே இருந்தது.