பிக் பாஸ் வீட்டிற்குள் வந்த முன்னாள் போட்டியாளர்கள்.. வெளியில் என்ன பேசிக்கிறாங்க நைசா கேட்ட அமீர் !

வெட்டிக்கதை

பிக் பாஸ் வீடு முழுக்க ஆட்களாக இருந்த வீட்டில் தற்போது வெறும் 5 பேர் மட்டுமே உள்ளதால் வீடே வெறிச்சோடி காணப்படுகிறது. டாஸ்க் எதுவும் இல்லாததால் போட்டியாளர்கள் வெட்டிக்கதைகளை பேசி வெட்டியாக பொழுதை கழித்து வருகின்றனர்.

ஸ்ருதி, நாடியா சாங்

பிக்பாஸ் நிகழ்ச்சியின் கடைசி வாரம் என்பதால் இதற்கு முன்பு பிக்பாஸ் வீட்டில் இருந்து வெளியேறிய போட்டியாளர்கள் விருந்தாளிகளாக பிக்பாஸ் வீட்டுக்குள் வந்த வண்ணம் உள்ளனர். அதன்படி, பிக்பாஸ் வீட்டுக்குள் இன்று ஸ்ருதி, நாடியா சாங் உள்ளே வந்துள்ளனர்.

போட்டியாளர்களை வாழ்த்தினர்

வீட்டிற்குள் வந்த போட்டியாளர்கள் டாப் போட்டியாளர்களாக வந்தவர்களுக்கு புதிய உடைகளை கொடுத்து மாலை அணிவித்து வாழ்த்தினர். அவர்களை சூழ்ந்து கொண்ட போட்டியாளர்கள் வெளியில் இந்த சீசனைப்பற்றி என்ன நினைக்கிறார்கள் என்று கேட்டனர். இந்த சீசன் 5 உண்மையில் நல்ல இருக்கு. அனைவரும் விரும்பி பார்ப்பதாக ஸ்ருதியும் , நாடியாவும் கூறினார்கள்.

மக்களுக்கு நம்பிக்கை இருக்கு

மேலும், ஸ்ருதியிடம் தனியாக பேசிய அமீர் மக்கள் என்னைப் பற்றி வெளியில் என்ன நினைக்கிறார்கள் என்று கேட்டார். மக்களுக்கு உங்கள் மீது நம்பிக்கை இருக்கு நீங்க ஸ்ட்ராங் போட்டியாளர் தான். அதுவும் இல்லாமல் இந்த சீசன் 5 நல்ல இருக்கு வெளியில் போனதிற்கு பிறகு அனைவருக்கும் நல்ல எதிர்காலம் இருக்கும் என்றார். அமீர் உண்மையில் வெற்றியை பற்றி கேட்டாரா இல்லை, காதல் விவகாரம் குறித்து கேட்டாரா என்பது தெரியவில்லை.

மீண்டும் பாவனியுடன்

வைல்டு கார்டு மூலம் அமீர் வந்தாலும் டாஸ்கில் அமீர் சிறப்பாகவே செயல்பட்டார். ஆனால், போட்டியில் கவனம் செலுத்துங்கள் என்று கமல் கூறிய அட்வைக்கு பிறகு பாவனியிடம் விலகி இருந்த அமீர் கடைசி வாரத்தில் அவருடன் இணைந்து மீண்டும் ஆட்டம் போட்டு வருகிறார். இதனால் அவருக்கு வாக்குகள் குறைய அதிக வாய்ப்பு இருக்கிறது. ஆனால், அதை புரிந்து கொள்ளும் மனநிலையில் அமீர் தற்போது இல்லை.