பிக் பாஸ் வீட்டிற்குள் வந்த விஜய் டிவி பிரபலங்கள்.. மனதை கவர்ந்த ராஜு பாய்.. களைகட்டிய நிகழ்ச்சி!

சுவாரசியம்

பிக் பாஸ் நிகழ்ச்சி இறுதிவாரத்தில் இருப்பதால், எந்தவித டாஸ்கும் இல்லாம் போட்டியாளர்கள் வெட்டியாக பொழுதை கழித்துவருகின்றனர். இதனால், நிகழ்ச்சியின் சுவாரசியத்தை கூட்ட வீட்டிலிருநது வெளியேறிய போட்டியாளர்கள் மீண்டும் பிக் பாஸ் வீட்டுக்குள் வந்த வண்ணம் இருக்கிறார்கள்.

மீண்டும் தாமரை

நேற்றைய எபிசோடில், நாடியா, சுருதி, அபிநய் மற்றும் சிபி ஆகியோர் வீட்டுக்குள் மீண்டும் வந்திருந்தனர். இறுதி நாமினேஷனில் வெளியேறிய தாமரை மீண்டும் பிக் பாஸ் வீட்டிற்குள் வந்தார். அதேபோல டபிள் எவிக்ஷனாகி வெளியேறிய வருண் மற்றும் அக்ஷரா ஒன்றாக பிக்பாஸ் வீட்டிற்குள் வந்தனர்.

விஜய் டிவி பிரபலங்கள்

ஈரமான ரோஜாவே சீஸன் 2 மற்றும் செந்தூரப்பூவே சீசன் 2 சீரியல்களின் குழுவினர் பிக் பாஸ் வீட்டுக்குள் இன்று விருந்தினர்களாக வந்தார்கள். இதில் ஈரமான ரோஜாவே சீரியல் இரவு 10 மணிக்கும், செந்தூரப்பூவே சீரியல் இரவு 10.30 மணிக்கும் வரும் திங்கள் முதல் விஜய் டிவியில் ஒளிபரப்பாக உள்ளது. இந்த இரு சீரியலின் ப்ரோமோவும் போட்டியாளர்களுக்கு போட்டு காட்டப்பட்டது.

Bigg Boss Tamil Season 5 | 13th January 2022 - Promo 2 | Eramana Rojave 2 & Senthoora Poove Serial Team Mass Entry

மனம் கவர்ந்த ராஜூபாய்

இதையடுத்து, மனம் கவர்ந்த போட்டியாளருக்கு ரோஜா கொடுக்கும் டாஸ்கில் அதிக ரோஜாக்களை ராஜு பெற்றார். பிரியங்காவுக்கு உடல்நிலை சரியில்லாததால் அவரின் ரோஜாக்களையும் ராஜு கையில் வைத்திருந்தார். போட்டியாளர்களின் மனதை மட்டுமல்ல, ரசிகர்களின் மனதையும் ராஜூ பாய் வென்றுவிட்டார் என்று அவரின் தீவிர ரசிகர்கருத்துக்களை பகிர்ந்து வருகின்றனர்.