நீங்க "நானா" ஆயிட்டீங்க.. பிக் பாஸ் வீட்டுக்கு "ஸ்வீட் ஷாக்" கொடுத்த மனைவி!

காதல் திருமணம் :

ஈ டி.வி-யில் 'ஜபர்தாஸ்த்' எனும் காமெடி நிகழ்ச்சியில் பங்குபெற்றபோது, சிரிஷா என்பவரைக் காதலித்து சில மாதங்களில் திருமணம் செய்துகொண்டார் தன்ராஜ். இவர்களுக்கு 'சுக்ரம்' எனும் மகன் இருக்கிறார்.

மனைவி 7 மாத கர்ப்பிணி :

தன்ராஜ் பிக்பாஸ் வீட்டுக்குள் நுழையும் போது அவரது மனைவி சிரிஷா 7 மாத கர்ப்பிணியாக இருந்துள்ளார். இந்நிலையில் அவருக்கு ஆண் குழந்தை பிறந்திருக்கிறது.

45 நாட்கள் பிக்பாஸ் வாசம் :

45 நாட்கள் பிக்பாஸ் வீட்டுக்குள் வசித்த தன்ராஜ், நேற்று எலிமினேட் செய்யப்பட்டிருக்கிறார். அவருக்குக் குழந்தை பிறந்த தகவலை ஜுனியர் என்.டி.ஆர், தன்ராஜ் எலிமினேட் ஆனதும் கூறியுள்ளார்.

'பிக் பாஸ்' நெகிழ்ச்சி :

மகிழ்ச்சியான விஷயத்தைச் சொன்னதோடு நிகழ்ச்சியிலேயே தன்ராஜை அவரது மனைவியிடம் பேசவைத்தார் ஜூனியர் என்.டி.ஆர். மகிழ்ச்சியாக நலம் விசாரித்த தன்ராஜிடம், அவரது மனைவி 'நான் குழந்தை எல்லோரும் நலம். உங்கள் வரவைத்தான் எதிர்பார்த்துக் காத்திருக்கிறோம்' எனக் கூறியிருக்கிறார்.

ரசிகர்கள் எதிர்பார்ப்பு :

தன்ராஜ், ரசிகர்களையும், பிக்பாஸ் வீட்டுக்குள் இருந்த அனைவரையும் தனது நகைச்சுவைத் திறனால் மகிழ்ச்சிப்படுத்தினார். அவரது எலிமினேஷன் டி.வி-யின் ரேட்டிங்கைப் பாதிக்கும் எனக் கருதுகிறார்கள். அதனால், அவர் திரும்பவும் பிக்பாஸ் வீட்டுக்கு வரவழைக்கப்படலாம் எனக் கருதுகிறார்கள் ரசிகர்கள்.