Don't Miss!
- Lifestyle 40 வருடங்கள் கழித்து கருவுற்றால் இந்த விஷயங்களை தெரிந்து கொள்ளுங்கள்!
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Sports ஒய்டு கொடுத்த நடுவர்.. ரிவ்யூ கேட்ட பும்ரா.. சந்தேகமாய் பார்த்த ஹர்திக்.. கடைசியில் நடந்த ட்விஸ்ட்!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- News அரவிந்த் கெஜ்ரிவாலை சிறையில் கொல்ல சதித்திட்டம்? இன்சூலின் கொடுக்க மறுப்பு? பகீர் கிளப்பிய அதிஷி
- Automobiles படகு மாதிரி மிதந்து சென்ற ரூ2.44 கோடி கார்! இவ்வளவு வெள்ளத்துலயும் சின்ன டேமேஜ் கூட ஆகலயே!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
உங்கள் முடிவுகள் அறிவிக்கப்படப் போகும் நாள்.. 6 மணி நேர பிக் பாஸ் கிராண்ட் ஃபினாலே.. அட்டகாச புரமோ!
சென்னை: பிக் பாஸ் நிகழ்ச்சியின் கிராண்ட் ஃபினாலே தொடர்ந்து 6 மணி நேரம் ஒளிபரப்பாக உள்ளது என கமல்ஹாசன் கூறும் அட்டகாசமான புரமோ தற்போது வெளியாகி உள்ளது.
பிக் பாஸ் ரசிகர்கள் ஆவலுடன் காத்துக் கொண்டிருந்த அந்த தருணம் நெருங்கி விட்டது.
டைட்டில் வின்னர் யார்? கிராண்ட் ஃபினாலேவில் என்ன என்ன சர்ப்ரைஸ் காத்திருக்கிறது என்பதை பார்க்க ரசிகர்கள் வெயிட்டிங்.
சூப்பர் ஹீரோ ஆரி.. மின்னல் வேகத்துல போறாரே.. எல்லாம் மேல இருக்குறவன் பாத்துப்பான் பாடல் ரிலீஸ்!
ஷூட்டிங் நாளைக்குத்தான்
ஒவ்வொரு வாரமும் சனிக்கிழமை எபிசோடுக்கான ஷூட்டிங் வெள்ளியன்றும், ஞாயிற்றுக்கிழமை எபிசோடுக்கான ஷூட்டிங் சனியன்றும் நடத்தப்படும். அதனால், பிக் பாஸ் நிகழ்ச்சியில் அந்த வாரம் யார் எவிக்ட் ஆனார்கள் என்பது ஒரு நாள் முன்பே லீக் ஆகி விடும். இந்நிலையில், கிராண்ட் ஃபினாலே ஷூட்டிங் நாளை காலை 8 மணிக்குத் தான் தொடங்க உள்ளதாம்.
மயான அமைதி
கிராண்ட் ஃபினாலே நெருங்கி விட்டது. ஆனால், பிக் பாஸ் போட்டியாளர்கள் எல்லாம் சந்தோஷமாக இருப்பதற்கு பதிலாக சங்கடத்தில் உள்ளனர். குறிப்பாக ரியோ, பாலா மற்றும் ரம்யாவின் நிலைமை தான் ரொம்பவே கவலைக்கிடமாக உள்ளது. பிக் பாஸ் வீட்டில் ஒரு மயான அமைதி நிலவி வருகிறது.
கமல் கரெட்க்ட் பண்ணுவார்
சனிக்கிழமை நிகழ்ச்சியில் போட்டியாளர்களின் கவலைகளை எல்லாம் கமல் கரெக்ட் பண்ணி கிராண்ட் ஃபினாலேவுக்கு போட்டியாளர்களை தயார் செய்வார் என்பது இரண்டாவது புரமோவை பார்க்கும் போதே தெரிகிறது. வெற்றியோ? தோல்வியோ? 5 பேருக்கும் விடுதலை கிடைக்கப் போவதை எண்ணி ஹேப்பியா இருக்கலாமே!
6 மணி நேரம்
பிக் பாஸ் நிகழ்ச்சியின் 3வது புரமோவில் பேசிய கமல்ஹாசன், நாளைய கிராண்ட் ஃபினாலே நிகழ்ச்சி மாலை 6 மணிக்குத் தொடங்கி தொடர்ந்து 6 மணி நேர நிகழ்ச்சியாக இருக்கப் போகிறது என அறிவித்துள்ளார். இரவு 12 மணிக்குத் தான் பிக் பாஸ் நிகழ்ச்சியின் கிராண்ட் ஃபினாலே நிறைவடையுமாம்.
உங்கள் முடிவு
மேலும், இந்த மூன்றாவது புரமோவில் பேசிய கமல், இந்த 5 பேரில் ஒருவர் தான் டைட்டில் வின்னர் ஆகப் போகிறார் என்றும், உங்கள் முடிவுகள் அறிவிக்கப்படப் போகும் நாள் நாளை என்றும் கூறியுள்ளார். பிக் பாஸ் ரசிகர்கள் பலரும் மக்கள் வாக்குகள் அதிகம் பெற்ற ஆரி தான் டைட்டில் வின்னர் ஆவார் என எதிர்பார்த்து வருகின்றனர்.
அதிக வாக்குகள்
பிக் பாஸ் தமிழ் 4 சீசனின் டைட்டில் வின்னர் ஆரி தான் என்றூம், அதிக வாக்குகளை வழக்கம் போல இந்த வாரமும் அவர் தான் பெற்றுள்ளார் எனக் கூறி வருகின்றனர். ரன்னர் அப் ரியோ ராஜ் என்றும் கூறி வருகின்றனர். கடந்த வாரம் பாலாஜி முருகதாஸ் அதிக வாக்குகள் பெற்றிருந்தார் என்பது குறிப்பிடத்தக்கது. நாளை உண்மையான ரிசல்ட் தெரிந்து விடும்.
என்ன இருக்கும்
நாளை பிக் பாஸ் நிகழ்ச்சி 6 மணி நேரம் என கமல் கூறியுள்ள நிலையில், ஆரிக்கு டைட்டில் கொடுக்க எதுக்கு 6 மணி நேரம் என ரசிகர்கள் கேள்வி எழுப்பி வருகின்றனர். ஸ்பெஷல் கெஸ்ட் யார் வரப்போறாங்க, என்னவெல்லாம் ஸ்பெஷல் இருக்கப் போகிறது என்பதையும் யோசித்து வருகின்றனர்.